Қазақстан • 15 Қаңтар, 2019

ҚХР төрағасы Қазақстанға ресми сапармен келуі мүмкін

289 реткөрсетілді

Қытай төрағасы Си Цзиньпин Қазақстанға ресми сапармен келуі мүмкін. ҚХР-дың Қазақстан Республикасындағы төтенше және өкілетті елшісі Чжан Сяо журналистерге берген сұхбатында айтқан. Бұл туралы Baq.kz тілшісі хабарлады. 

Елші «Қытай төрағасы Си Цзиньпиннің Қазақстанға ресми сапармен келуі және ҚР Президенті Нұрсұлтан Назарбаевтың Қытайға баруы мүмкін бе» деген сұраққа жауап берді.

«Қазір бұл сұрақтар екі елдің Сыртқы істер министрліктерінің күн тәртібінде талқыланып жатыр. Келуі мүмкін екенін жоққа шығармаймын», - деді дипломат.

Елшінің айтуынша, Астана мен Бейжіңде екі елдің мәдени орталықтарын ашу туралы ұсыныс Қазақстанның Сыртқы істер министрлігіне жолданған.

«Биыл екіжақты қарым-қатынастағы саясатымызды осыған дейінгі қалыптасқан достығымызды нығайтуға бағыттаймыз. Бұл – біздің күнделікті жұмысымыз. Бүгінде қарыштап дамып келе жатқан экономикалық байланысымызды, мәдени-гуманитарлық саламызды әрі қарай жетілдіреміз. Тағы қазіргі мақсаттарымның бірі – Астанада қытай мәдени орталығын және Пекинде қазақ мәдени орталығын ашу. Мәдени орталықты тездетіп ашу – мен үшін күн тәртібіндегі өзекті мәселелердің бірі. Қазақстанның Сыртқы істер министрлігіндегі әріптестерімізге ұсынысымызды жеткіздік. Қазір ведомство ұсынысты қарастырып жатыр», - деді Чжан Сяо.

Соңғы жаңалықтар

Күлкі керуені № 24

Руханият • Кеше

Рейтингте жоғарылады

Кәсіпқой бокс • Кеше

Ұқсас жаңалықтар