Аймақтар • 21 Қаңтар, 2019

Қарағандыда мамандандырылған фронт-офис ашылды

315 реткөрсетілді

Қарағанды қаласындағы Октябрь ауданының №3 аудандық сотында өңірдегі тұңғыш мамандандырылған фронт-офис келушілерге есік ашты.

Сот жүйесін жаңғырту мақсатында құрылған фронт-офис үш аумақтан тұрады. Ақпараттандыру орталығында тұрғындар кеңес беруші қызметкерлердің көмегіне жүгіне алады. Сонымен қатар, бұл жерде келіп түсетін кеңсе құжаттар аумағы мен өз-өзіне қызмет көрсету бұрышы бар. Сотқа келушілер «Сот бөлмесі» ақпараттық жүйе қызметін, wi-fi желісін және гаджеттерге арналған қуаттандыру құралдарын қолдана алады. Сондай-ақ, медиаторлар мен адвокаттар үшін арнайы бөлмелер де қарастырылған.

– Бұрын мұнда аядай күту залы мен құжаттар беретін екі терезе ғана болған. Өте ыңғайсыз еді. Енді бұл жер кеңейтілді, кеңесшілер бар, келіп түсетін және берілетін корреспонденцияны қабылдап-беріп тұратын қызметкерлер қарастырылған. Сонымен қатар, фронт-офисте адвокаттар мен медиаторлар қызмет көрсетеді. Осының барлығы тұрғындарға ыңғайлы болу үшін жасалған, – дейді Октябрь ауданының №3 аудандық сотының төрағасы Ерлан Шегенов.

Жыл соңына дейін Қарағанды облысының көпқұрамдық соттарында осы секілді 7 фронт-офис ашу жоспарда бар. Бұл туралы облыстық соттың төрағасы Нұрсерік Шәріпов мәлімдеді.

Қайрат ӘБІЛДА,

«Егемен Қазақстан»

Қарағанды

Соңғы жаңалықтар

Алып тиін төрге озды

Аймақтар • Кеше

18,6 миллионға жеттік

Қазақстан • Кеше

КХЛ: «Барыс» жеңіске жетті

Хоккей • 15 Ақпан, 2020

Жол құрылысынан табылған ақау көп

Аймақтар • 15 Ақпан, 2020

Ақтөбеде автобус аударылды

Аймақтар • 15 Ақпан, 2020

Биыл БҚО-да 1710 пәтер беріледі

Аймақтар • 15 Ақпан, 2020

Жер сілкінді

Қазақстан • 15 Ақпан, 2020

Ұқсас жаңалықтар