Қазақстан • 24 Қаңтар, 2019

Астанада британдық қаламгер Ник Филдингпен кездесу өтті

285 реткөрсетілді

Астана қаласындағы Ұлттық академиялық кітапханада британдық жазушы, Оксфорд университетінің профессоры, «Оңтүстікке дейін Ұлы дала: Томас пен Люси Аткин­сонның Шығыс Қазақстандағы саяхаттары, 1847-1852 ж.ж.» («South to the Great Steppe: The Travels of Thomas and Lucy Atkinson in Eastern Kazakhstan, 1846-1852») кітабының авторы Ник Филдингпен кездесу кеші өтті.

Британдық журналист Ник Фил­динг XIX ғасырда өмір сүрген қазақ­­тардың тарихын, Қазақстан мен ағылшын ғалымдарының кез­де­сулерін жүйелеп хатқа тізіп, Ұлы­бри­тания кітапханаларындағы қазақ жеріне, тарихына, мәдениетіне қа­тысты зерттеу жұмыстарымен айналысқан. Осы бір тыңғылықты ізденісінің нәтижесінде өмірге келген «Оңтүстікке дейін Ұлы дала: Томас пен Люси Аткинсонның Шы­ғыс Қа­зақ­стандағы саяхаттары, 1847-1852 ж.ж.» атты кітабында автор әйгілі бри­тан жиһанкездерінің Сі­бір және Қазақ даласына жасаған сая­хаты туралы жазады. Еңбектің «Қа­палдан хат, 17 қазан 1848 жыл» ата­латын тара­уында Томас пен Люсидің Қазақ даласына келген сапары қызықты баяндалған. 

– Ник Филдинг – қазақты жан-тәні­мен жақсы көретін жазушы. Қа­ламгердің ұлтымыздың мә­дение­­ті­не деген құштарлығы ерек­ше. Киелі же­ріміздің тарихы мен салтын зерт­теп, зерделеп жүрген ше­тел­­дік әдебиетшілермен қарым-қаты­насымыз одан әрі де дамып, ны­ғая береді деп сенеміз, – деді шы­ғар­машылық кездесуде Ұлттық акаде­мия­лық кітапхананың басшысы Үміт­хан Мұңалбаева. 

Мазмұнды кешке Қажығали Мұхам­бет­қалиұлы, Тұрсын Жұртбай бас­та­ған белгілі қазақ жазушылары мен ғалымдары, қоғам қайраткерлері қа­тыс­ты. Сондай-ақ айтулы іс-шара бары­сында автордың «Оңтүстікке дейін Ұлы дала: Томас пен Люси Аткинсонның Шығыс Қазақстандағы саяхаттары, 1847-1852 ж.ж.» кітабын қазақ және орыс тілдеріне аудару үшін авторлық құқық алу жөніндегі келісімшартқа қол қойылды. 

Назерке ЖҰМАБАЙ,

«Egemen Qazaqstan»

Соңғы жаңалықтар

Атыраулықтар тағы да үздіктер қатарында

Аймақтар • 13 Желтоқсан, 2019

Тәуелсіздік – тұғырым

Аймақтар • 13 Желтоқсан, 2019

Жас отбасылар баспаналы болды

Аймақтар • 13 Желтоқсан, 2019

Күлкі керуені № 25

Руханият • 13 Желтоқсан, 2019

Ұқсас жаңалықтар