Аймақтар • 24 Қаңтар, 2019

«Шымбұлақ» пен «Роза Хутор» тау курорттары арасындағы ынтымақтастық келісімге қол қойылды

420 реткөрсетілді

Қаңтар мен ақпан айлары қысқы туризмнің нағыз қызатын шағы.  Алатау баурайындағы табиғат ана қашап берген әйгілі демалыс орындары Шымбұлақ пен Медеуге, Ақбұлақ пен Табағанға шетелдіктер толассыз  ағылып жатады демесек те, соңғы жылдары әлемнің әр қиырынан мұнда келушілердің  саны артқан. Өзге мемлекеттер де елімізбен бұл салада ынтымақтастық байланыс орнатуға бейіл екендіктерін білдіруде. Бұл ең алдымен туристік ағымды ұлғайтып, сыртқы туризмнің дамуына серпін бермек.

Күні  кеше ғана Жетісудың жауһарына баланатын «Шымбұлақ» пен Ресейдің  «Роза Хутор» тау курорттары өзара ынтымақтастық келісімге келді. Бұл Ресей мен Қазақстанның  туризм саласындағы  байланысын нығайтып, екі ел арасындағы достық қатынастардың беріктігін арттыра түседі. Аталған меморандум курорттардың танымалдығын арттыру, тау туризмін дамыту, белсенді демалыс, спортпен шұғылдану және салауатты өмір салтын насихаттау мақсатындағы өзара іс-қимылдарды көздеп отыр.

«Бізді пост-кеңестік кеңістіктегі ең үздік тау курорттарының бірімен ынтымақтастықтың осындай форматы ерекше қызықтырды. Мұндай синергия қонақтарымыздың шеңберін кеңейтуге қабілетті және қазір біз Қазақстан мен Ресейдің туристік нарықтарын жаңадан ашу үстіндеміз. Бізде бір-бірімізге ұсына алатын дүние көп, осы таңда өзара тиімді қатынастарды дамытуға ықпал ететін нақты маркетингтік шешімдер белгіленді»,- дейді «Роза Хутор» тау курортының бас директоры Сергей Бачин.

Екі жақты келісімге сәйкес, қазақстандық және ресейлік тау курорттарының әкімшілігі туризм және мәдени-сауықтыру демалысы, конференциялар, семинарлар және басқа да іс-шаралар мен бірлескен жобаларды іске асыру үшін барлық қолжетімді тетіктерді пайдаланатын болады. Бұл ретте өзара ақпараттық, білім беру, әдістемелік және консультациялық қолдау көрсету  жоспарлануда. Мұндай қызметтің маңызды тармағы – статистикалық, анықтамалық мәліметтермен және басқа да деректермен алмасу. Мамандар, бұл қадам шаңғы курорттарына көрші елдердің тау шаңғысы, тау, спорттық туризм ерекшеліктерін жақсырақ түсінуге мүмкіндік беретінін, сондай-ақ болашақта қазақстандық белсенді демалыс әуесқойлары арасында «Роза Хутордың», ресейліктер арасында «Шымбұлақтың» танымалдылығын арттыратынын айтады. Қос тарап әлеуетті туристердің қалауы мен сұраныстарын зерделеу арқылы серіктес-курорттарға қазақстандықтарды, ресейліктерді және басқа мемлекеттердің өкілдерін тарту стратегиясын әзірлеуге күш салатындарын айтып отыр.

– Қазақстандық және ресейлік курорттардың өзара танымалдылығын арттыруға бірлескен жеңілдік бағдарламалары ықпал етеді деп үміттенеміз және олардың әрекеті «Шымбұлақтың» және «Роза Хутордың» да қонақтарына қолданылады. Мысалы, осындай науқандардың шеңберінде курорттардың бірінде апталық ски-пасс сатып алатын туристер осы курортта немесе оның әкімшілігі ұсынған қонақ үйлердің бірінде орналасқан қонақ үйде тұрған жағдайда серіктес курорттан тегін бір апталық ски-пассты  алу құқығына ие болады, – дейді «Шымбұлақ» тау курортының бас директоры Ержан Еркінбаев.

Жаңа бастамада ерекше оқиғалар мен күндерге, әсіресе серіктес-курорт күніне орайластырылған арнайы мерекелер өткізу жобасы қолға алынған. Мұндай күндері «Роза Хуторда» демалатын туристер «Шымбұлаққа» арналған фотокөрмелерді, шығармашылық ұжымдардың концерттерін тамашалап, қазақтың ұлттық тағамдарынан дәм тата алады. Өз кезегінде Іле Алатауындағы ең танымал тау курортының қонақтары да Сочидегі олимпиада мұрасының ең ірі нысаны атанған Ресей курортының тақырыптық күндеріне қатысуға мүмкіндігі бар. Осының барлығы көршілес елдердің туристік бағыттар ретінде танылуына ықпал етпек.

Арман ОКТЯБРЬ,

«Егемен Қазақстан»

АЛМАТЫ

Соңғы жаңалықтар

Тіл тұғыры биіктей бермек

Қоғам • Бүгін, 18:22

Сырдағы достық мерекесі

Аймақтар • Бүгін, 12:37

Күлкі керуені № 19

Руханият • Бүгін, 10:15

Жас буын жаңғыру жолында

Руханият • Бүгін, 08:39

ҚХЛ үздіктері қатарына енді

Хоккей • Бүгін, 08:10

Аргентиналық «Цунамимен» айқасады

Кәсіпқой бокс • Бүгін, 08:09

УЕФА рейтингінде жоғарылады

Футбол • Бүгін, 08:07

Ұқсас жаңалықтар