25 Қаңтар, 2019

Өзгеруді өзімізден бастайық

643 рет
көрсетілді
2 мин
оқу үшін
Өзгеруді өзімізден бастайық

Мемлекет басшысының «Ұлы даланың жеті қыры» атты мақа­ла­сында түп-тамырымызды білудің, ұлттық тарихымызға терең үңі­ліп, жаңғыру жолында жаңа қадам­дар жасаудың маңызы жайлы баса айтылған. Ұлты­мыздың өркениет жолын­дағы ғұмыры, Ұлы даланың тарихи үздіксіз дамуын бірнеше дәйектеме арқылы көз алдымызға келтіреді. Ұлттық жаңғыруға жол алған еліміздің сонау ғасырлардан келе жатқан мәдени жетістік­тері даламызға сырттан келмей, керісінше, байтақ өлкемізден тамыр жайып, Батыс пен Шығыс, Күнгей мен Теріскейге таралғанын алға тартады. Туған топырағымыздан табылған тарихи жәдігерлер Ұлы даланың жаhандық тарихтан ойып тұрып орын алатынын мойындатпай қоймайды. Бір ғана атты қолға үйретіп, түрлі мақсатта қолдана білген, бұрын-соңды болмаған жаңа құралдар ойлап тауып, ғылым үшін сенсация саналған «Алтын адамның» табылуы, ең көне жазу өнерінің бізде болғанының дәлелденуі әлемдік теңдессіз революцияға жол ашқан ата-бабамыздың салған сара жолына, ұлттық тарихымыздың көкжиегіне кеңінен көз тастап, терең зерделеуді талап етеді.

Тарих толқынындағы ақтаң­дақ­­тар­ды қалпына кел­тіру мақ­­сатын­да іске асы­рылған «Мәдени мұра» бағдар­ла­масы­ның ізімен тари­хи сананы жаң­ғырту мақ­сатында түрлі жоба­лардың қажеттігі көрінеді. Осы мақсатта Елбасымыз тарапынан өз мақаласында әлем бойынша еліктеуге лайықты Ұлы даланың ұлы тұлғалар шоғырын жасау үшін «Ұлы даланың ұлы есімдері» оқу-ағарту саябағын ашу, «Архив − 2025» жетіжылдық жобасын қолға алып, «Түркі өркениеті: түп-тамырынан қазір­гі заманға дейін» атты жоба­ның жүргізілуінің маңызын, мәңгі өлмейтін ұлттық аспаптармен орындалатын туындылар топтамасын жасап шығару, Ұлы даланың ұлттық мұрасын, санасын жаңғырту мақсатында халықтың танымында ерекше орын алатын кино өнері арқылы дәріптеу де көзделген. 

Елбасымыздың «Болашақ­қа бағдар: рухани жаңғыру» ма­қа­ла­сының жалғасы ретінде жарық көріп, ел тарихы, бола­шағы жай­лы қаншама құнды дүние­­лер қам­тыл­ған. Рухани түлеп, сана-сезі­мі­мізді жаң­ғыр­ту үшін, ең әуелі, тарихымыз жайлы таптаурын қағидалар­дан пікірлерден арылуымыз шарт. Көш басындағы елдермен тере­земізді теңеп, иық түйіс­тіріп, теңдей тұру үшін өзгеруді өзімізден бастауымыз керек. Өткенімізбен санаса отырып, жаңа дәуірдің жағымды жақ­тарын бойға сіңіріп, жас ұрпақ­қа мол мәдени мұраны жет­кізе білу − бүгінгі күннің талабы.

Батжан МӘЖИТОВА, 

Қорғалжын аудандық Тілдерді дамыту орталығының директоры

Ақмола облысы