25 Қаңтар, 2019

Азамат Едрисов ҚарМУ-дың ректоры болып тағайындалды

380 реткөрсетілді

Еліміздегі аса ірі оқу орындарының бірі – Е.Бөкетов атындағы Қарағанды мемлекеттік университетінің ректоры ауысты. Бұл қызметке профессор, химия ғылымдарының докторы Азамат Тиржанұлы Едрисов ректорларды таңдау бойынша республикалық конкурстық комиссияның шешімімен тағайындалды.

Азамат Едрисов 53 жаста. Ол Қарағандының тумасы, ҚарМУ-дың физика факультетін тәмамдаған. Еңбек жолын осы оқу орнында бастады. Мәскеудегі Карпов атындағы физикалық-химия ғылыми-зерттеу институтының аспирантурасын бітірген.

Аспирантурадан кейін 1993 жылдан бастап органикалық синтез және көмірсутегі институтында жетекші инженер және атқарушы ғылыми қызметкер лауазымдары бойынша еңбек еткен. 

2006-2014 жылдары Қарағандыдағы Қазақстан-Ресей университетінің бірінші проректоры болды.

В 2006 жылы химия ғылымдарының докторы ғылыми дәрежесін алу үшін диссертациясын қорғаған. 2010 жылдан бастап профессор. 2012 жылы ҚР ҰҒА корреспондент-мүшесі болып сайланды.

2015 жылдан бастап ректор қызметіне тағайындалғанға дейін Назарбаев университетінде күн энергиясы зертханасын басқарды.

Азамат Едрисов 70-тен астам ғылыми еңбектердің, екі монография мен бір оқу әдістемесінің авторы.

Қайрат ӘБІЛДА,

«Egemen Qazaqstan»

Қарағанды

Соңғы жаңалықтар

Күлкі керуені № 24

Руханият • Кеше

Рейтингте жоғарылады

Кәсіпқой бокс • Кеше

Ұқсас жаңалықтар