«Санофи» таңдаған үздіктер
Сейсенбі, 20 қараша 2012 7:05
Астанада «Санофи медициналық грантының» жеңімпаздары анықталды.
Еліміз Денсаулық сақтау министрлігінің қолдауымен француздың Санофи фармацевтикалық компаниясы тағайындаған грант үшін бәсеке осымен үшінші жыл қатарынан өткізіліп отыр. Бұл игі шараның басты мақсаты – отандық медицина мамандарының ғылыми-зерттеу жобаларын қолдау және дамыту болып табылады. Гранттар Қазақстан Республикасында жүргізілген және еліміздің тәжірибелік денсаулық сақтау жүйесіне сүбелі үлес қосуға әлеуетті ғылыми-зерттеулер мен жобаларға беріледі. Биыл үздік ғылыми-зерттеу жұмыстарын марапаттау үш негізгі, атап айтқанда, хирургия, диабетология және онкология аталымдары бойынша жүзеге асырылды. Әр аталым бойынша үш жеңімпаз анықталды.
Сейсенбі, 20 қараша 2012 7:05
Астанада «Санофи медициналық грантының» жеңімпаздары анықталды.
Еліміз Денсаулық сақтау министрлігінің қолдауымен француздың Санофи фармацевтикалық компаниясы тағайындаған грант үшін бәсеке осымен үшінші жыл қатарынан өткізіліп отыр. Бұл игі шараның басты мақсаты – отандық медицина мамандарының ғылыми-зерттеу жобаларын қолдау және дамыту болып табылады. Гранттар Қазақстан Республикасында жүргізілген және еліміздің тәжірибелік денсаулық сақтау жүйесіне сүбелі үлес қосуға әлеуетті ғылыми-зерттеулер мен жобаларға беріледі. Биыл үздік ғылыми-зерттеу жұмыстарын марапаттау үш негізгі, атап айтқанда, хирургия, диабетология және онкология аталымдары бойынша жүзеге асырылды. Әр аталым бойынша үш жеңімпаз анықталды.
Биылғы байқауға барлығы 35, оның ішінде онкология саласы бойынша – 12, хирургиядан – 17, диабетология саласынан – 6 жұмыс жіберілді.
Ұйымдастырушылардың айтуынша, биылғы ғылыми жұмыстар жоғары сапасымен және өзектілігімен ерекшеленді.
– Фармацевтикалық компаниялармен жұмыс істейтін маман ретінде, еліміздің денсаулық сақтау саласын дамытуға бағытталған барлық шараларға белсене қатысқаны және оқыту семинарларын өткізу арқылы үлкен жұмыстар атқарғаны үшін «Санофи» компаниясын ерекше атап өткім келеді, – дейді Ұлттық ғылыми академиясының академигі, Мемлекеттік сыйлықтың лауреаты Раиса Күзденбаева.
– Компанияның өз қызметінде жоғары этикалық стандарттар мен халықаралық тәжірибені негізге ала отырып, тұрғындардың денсаулығын нығайтуға ұмтылыс танытуы қуанарлық жайт.
«Санофи» компаниясының Орта Азиядағы бас директоры Хайсам Шрайте «Санофи» жариялаған байқаудың әлеуметтік-жауапты серіктес ретінде денсаулық сақтау жүйесін жақсартуға бағытталған Қазақстан Республикасы Денсаулық сақтау министрлігінің бағдарламаларына қатысуды, медицина саласындағы ғылыми-зерттеу жұмыстарына деген қызығушылықты арттыру және талантты қазақстандық ғалымдарды қолдауды көздейтінін айтқан.
«Медициналық грант» бағдарламасын үшінші мәрте сәтті жүзеге асыру бұл байқаудың маңыздылығын, қажеттілігін және уақытында қолға алынған іс екенін дәлелдейді», – деді ол.
«Cанофи» әлемдегі көшбасшы фармацевтикалық топтың бірі және ол әлемнің жүзден аса еліне тараған. «Санофи» мақсаты – денсаулық саласындағы өзекті мәселелерді шешу және онкология мен сусамыр сынды әлеуметтік-маңызды салалардағы негізгі терапевтік шешімдерге қолжетімділікті қамтамасыз ету. Медицина саласындағы жоғарғы сапа мен тұрақты серпінді зерттеулер сынды құндылықтар инновациялық ұйымның бай тарихындағы негізгі қозғаушы күш болып табылады. «Санофи» әлемдік көшбасшы қатарынан орын алғанына қарамастан, оның стратегиясы жергілікті медициналық қажеттіліктерді қанағаттандыру мен жергілікті емделушілерге керекті тиімді шешімдерді жеткізудегі нақты аймақтарға бағытталған. «Санофи» мақсаты тек сапалы емделуге қол жеткізу ғана емес, сондай-ақ денсаулық сақтау саласындағы кәсіби мамандарды қолдау.
«Санофи» компаниясының тобы елімізде 15 жылдан астам уақыт жұмыс істеп келеді. Онда 160-тан астам адам еңбек етуде. «Санофи» елімізге емдеудің инновациялық әдістерін, сондай-ақ, сапалы дәрі-дәрмек пен денсаулық сақтауға арналған тұтынушылық өнімдерді, барша тұрғындарға қауіпсіз, тиімді, инновациялық және қолжетімді шешімдерді ұсынады.
Сонымен «Санофидің» биылғы байқауында кімдердің жұлдызы жанды. Онкология аталымында бірінші орынға С.Асфендияров атындағы Қазақ ұлттық медицина университетінің өкілі, медицина ғылымдарының докторы, профессор У.Жұмашев лайықты деп танылды. Ол байқауға «Қазақстан Республикасындағы балалар онкологиясының проблемалары» деп аталатын еңбегін ұсынған болатын. Хирургия аталымында Қазақстан Республикасының Ұлттық ғылыми медициналық орталығының дәрігері С.Иманқұлов жеңімпаз атанды. Ал диабетология аталымында бірінші орын Алматы мемлекеттік дәрігерлер біліктілігін арттыру институтының эндокринология кафедрасының ғалымдары А.Досановаға, Р.Базарбековаға, М.Зельцерге және Ш.Әбубәкіроваға берілді.
«Егемен-ақпарат».
Суретте: хирургия саласы бойынша жеңімпаз, медицина ғылымдарының докторы, профессор С.Иманқұлов.
