Мәселен, өткен жылдың тоғыз айының өзінде 23,8 млн. долларын құрайтын 66,6 мың тонна ауыл шаруашылығы өнімдері экспортталып, 2017 жылдың сәйкесті кезеңімен салыстырғанда 27,2 пайызға артқан екен.
- Облыстан Өзбекстан Республикасына 285 бас түйе, 100 бас ет бағытындағы МІҚ малдары, Біріккен Араб Әмірлігіне 72 бас тірілей түйе экспортталды. Сондай-ақ, Түркістан облысы және Жамбыл облысының ет комбинаттары арқылы Иран Ислам Республикасына және Ресей Федерациясына барлығы 8191 бас қой экспортталды, - деді облыстық ауыл шаруашылығы басқармасы басшысының орынбасары.
Облыста биылғы жылы экспорт көлемі былтырғыдан анағұрлым артады деген болжам бар.
Бақтияр ТАЙЖАН,
«Egemen Qazaqstan»
Қызылорда облысы
