Жеке тұлғалар мен дара кәсіпкерлер – «Эксимбанк Қазақстан» АҚ клиенттері «Қазпошта» АҚ-қа жүгінуге және «ҚДКБҚ» АҚ қаражатынан өтемақыны алуға құқылы. «Эксимбанк Қазақстан» АҚ-тағы салымдарда, ағымдағы шоттарда және төлем карточкаларында орналастырылған ақшалар депозит бойынша қалдық сомасында, бірақ келесі максималды кепілдік берілген сомасынан асырылмай өтеледі:
● 10 миллион теңге – ұлттық валютадағы депозиттер бойынша,
● 5 миллион теңге – шетел валютасындағы депозиттер бойынша.
«Эксимбанк Қазақстан» АҚ-та орналастырылған бір салымшының теңгедегі және шетел валютасындағы депозиттері бойынша 15 миллион теңгеден аспайтын сомада жиынтық кепілдік берілген өтем төленеді, соның ішінде шетел валютасындағы депозиті бойынша 5 миллион теңге эквиваленттен аспайды.
Өтемақы жиналған (капиталдандырылған) сыйақыны ескере отырып, депозит бойынша қалдық сома шегінде ұлттық валютада «ҚДКБҚ» АҚ қаражатынан төленеді. Шетел валютасындағы депозит бойынша өтемақы сомасын есептеу үшін «Эксимбанк Қазақстан» АҚ-ты мәжбүрлеп тарату туралы сот шешімінің заңды күшіне енген күніндегі, яғни 2019 жылғы 16 қаңтардағы нарықтық валюта айырбастау бағамы қолданылады.
Салымшылардың өтініштерін қабылдау және кепілдік берілген өтемді төлеу 2019 жылғы
4 ақпаннан бастап 4 тамызға дейін «Қазпошта» АҚ арқылы төмендегі бес қалада орналасқан «Қазпошта» АҚ-тың орталық операциялық учаскелерінде (ООУ) жүзеге асырылады:
● Астана қаласында: Әуезов көшесі, 13,
● Алматы қаласында: Бөгенбай батыр
көшесі, 134,
● Қарағанды қаласында: Бұхар жырау
даңғылы, 39,
● Павлодар қаласында: Сәтбаев көшесі, 50,
● Петропавл қаласында: Пушкин көшесі, 61.
Өтініш беру және өтемақыны алу үшін салымшылар «Қазпошта» АҚ ООУ-не жүгінуі керек, өздерімен бірге ЖСН-нен тұратын жеке куәлік құжаты болғаны абзал. Өтініш бланкісін «Қазпошта» АҚ ООУ-нен алуға болады немесе www.kdif.kz ҚДКБҚ интернет-ресурсында «Салымшыларға» бөліміндегі электронды бланкісін жүктеп алып, алдын ала толтыруға болады. Салымшыларды сәйкестендіру жеке сәйкестендіру нөмірі (ЖСН) бойынша жүзеге асырылады, сондықтан «Эксимбанк Қазақстан» АҚ салымшыларының құқықтарын растау үшін банктік салым шарты немесе кассалық кіріс ордері талап етілмейді.
Депозитордың өкілі жүгінген кезде нотариалды куәландырылған сенімхат талап етіледі: «Эксимбанк Қазақстан» АҚ-та ашылған депозиттерді (шоттарды) басқаруға өкілеттігінің көрсетілуімен жалпы (бас) сенімхатты, сондай-ақ арнайы немесе реттік сенімхатты ұсынуға рұқсат етіледі. Мұрагер жүгінген кезде мұрагерлікке құқықты немесе мұра берушінің ақшаларын пайдалану құқығын растайтын құжаттарды да ұсыну керек. Егер сенімхат шетел тілінде жасалған болса, онда салымшының өкілі мемлекеттік немесе орыс тілдеріне аудармасы бекітілген тәртіпте нотариалды куәландырылған сенімхатты ұсынады. Салымшы өкілінің (мұрагердің) де өзімен бірге жеке басын куәландыратын құжаты болуы керек.
«Эксимбанк Қазақстан» АҚ салымшылары өтемақының төлеуін жүргізетін «Қазпошта» АҚ ООУ-нің жұмыс кестесін, мекенжайы мен телефондарын www.post.kz Қазпошта интернет-сайтында немесе 1499 байланыс орталығы арқылы нақтылай алады.
«Қазпошта» АҚ арқылы төлеу кезеңі аяқталғаннан кейін салымшылар тікелей «ҚДКБҚ» АҚ-қа өтемақы үшін жүгінуге құқылы.
Депозитінде депозит бойынша кепілдіктің максималды сомасынан асатын ақшасы немесе 2019 жылғы 16 қаңтарға есептелген (капиталдандырылмаған) сыйақы бойынша талабы бар салымшылар «Эксимбанк Қазақстан» АҚ-тың тарату комиссиясына жүгінуі керек. «Эксимбанк Қазақстан» АҚ тарату комиссиясы бас кеңсесінің және оның филиалдарының байланыстары www.kdif.kz «ҚДКБҚ» АҚ интернет-ресурсында орналастырылған.
«ҚДКБҚ» АҚ-та депозит бойынша кепілдік туралы мамандардың кеңесін 1460 (ұялы және қалалық телефондардан тегін) қысқа нөмір арқылы алуға болады.
