NOAA және NASA келтірген деректерге сүйенсек, 2018 жыл ең жылы жылдардың қатарын төртеуге жеткізді. «Бірнеше жылдан бері жаһандық жылыну жалғасып келеді, 2018 жыл да сондай жылдардың бірі болды», - деп мәлім етті NASA жанындағы Годдард атындағы Ғарышты зерттеу институтының басшысы Гэвин Шмидт.
«Жаһандық жылынудың әсері байқала бастады. Су тасқындары, кей өңірлерде күрт аптап ыстықтың болуы, жауын-шашын мөлшерінің артуы, экожүйелердің өзгеруі соған меңзейді», - деді ол.
Институт басшысының сөзіне қарағанда, 1880 жылдан бері Жер бетіндегі орташа температура Цельсий бойынша бір градусқа көтерілген. Бұл адамзат белсенділігінің артуымен тікелей байланысты.
