«Астана» жинақтаушы зейнетақы қоры келешекке берік сеніммен
Сәрсенбі, 7 наурыз 2012 8:03
Көпшілікке белгілі, елімізде жинақтаушы зейнетақы қорын одан әрі жетілдіру және дамыту мәселесі Мемлекет басшысының қазақстандықтарға жолдаған биылғы Жолдауында атап айтылған болатын. Елбасының бұл тапсырмасын дәйектілікпен жүзеге асыруда «Астана» жинақтаушы зейнетақы қорының табысы мол. Ең бастысы, «Астана» қоры бұл саладағы көшбасшылық ұстанымын тағы да дәлелдеп шықты, яғни «Астана» жинақтаушы зейнетақы қоры – Қазақстанда «К2 (12) көрсеткіші бойынша инфляцияны еңсерген бірден-бір қуатты қор атанды. Анығырақ айтқанда, «Астана» ЖЗҚ Қазақстанның зейнетақы қызметі нарығында кірісі жағынан алты ай бойы алғы шептен көрінуде.
Сәрсенбі, 7 наурыз 2012 8:03
Көпшілікке белгілі, елімізде жинақтаушы зейнетақы қорын одан әрі жетілдіру және дамыту мәселесі Мемлекет басшысының қазақстандықтарға жолдаған биылғы Жолдауында атап айтылған болатын. Елбасының бұл тапсырмасын дәйектілікпен жүзеге асыруда «Астана» жинақтаушы зейнетақы қорының табысы мол. Ең бастысы, «Астана» қоры бұл саладағы көшбасшылық ұстанымын тағы да дәлелдеп шықты, яғни «Астана» жинақтаушы зейнетақы қоры – Қазақстанда «К2 (12) көрсеткіші бойынша инфляцияны еңсерген бірден-бір қуатты қор атанды. Анығырақ айтқанда, «Астана» ЖЗҚ Қазақстанның зейнетақы қызметі нарығында кірісі жағынан алты ай бойы алғы шептен көрінуде.
Күн тәртібінде тұрған, міне осы және өзге де мәселелер жөнінде «Астана» ЖЗҚ-ның Алматыда өткен баспасөз мәслихатында жан-жақты сөз болды. Бұл басқосуда «Астана» қоры директорлар кеңесінің төрайымы, «ЦАТЭК» АҚ президенті Гүлнара Артамбаева, «Астана» ЖЗҚ басқарма төрағасы Андрей Карягин, «Сбербанк» жеке тұлғаларды несиелендіру департаментінің бастығы Роман Гончаров қордың бүгінгі ахуалы және келешегі туралы баяндады. Сала басшыларының айтуынша, 2012 жылдың 1 ақпанындағы мәліметтер бойынша, 12 айда К2 табыс коэффициенті 60 пайызға жеткен, мұның өзі Қазақстан рыногындағы орташа көрсеткіштен екі есе жоғары (2,59 %), «Астана» ЖЗҚ республика бойынша К2 (12) көрсеткіші бойынша инфляцияны еңсерген бірден-бір қор атанды. Өткен жылдың қаңтар және 2012 жылғы қаңтар айлары аралығында қордағы зейнетақы салымдарының саны 67 миллиард теңгеге жуық артып, 140 миллиард теңгеге жетті. Оған қоса, қордағы салымдардың өсу қарқыны да жоғары, бүгінгі таңда қор салымшыларының саны 534 мыңнан асты, сөйтіп өткен жылдың басынан бері түскен инвестициялық табыс мөлшері 9,7 миллиард теңге, ал зейнетақы төлемдері 3,8 миллиард теңгеге жетті.
Қордың жарғылық капиталын арттыру туралы шешімді оны нығайту мақсатында жасалған маңызды қадам деуге болады, өйткені, жарғылық капитал қордың стратегиялық даму мүмкіндіктерінің индикаторы болып табылады. Ал, оны өсіру – акционерлердің өз бизнесінің дамуына деген сенімін арттырып, салымшыларға көрсетілетін қызмет түрлерін әрі қарай жетілдіре түсуге мүмкіндік бермек.
– Жарғылық капиталдың артуы – қор дамуындағы маңызды қадамдардың бірі, «Астана» ЖЗҚ-ның ай сайын қуатының артып, табысты компанияға айналып келе жатқанын көріп отырмыз. «Астана» қорының табысты дамуға мүмкіндігі жеткілікті, мен бұған сенімдімін және күн сайын көбейіп келе жатқан салымшыларымыздың алдындағы жауапкершілігіміз де күшейеді. Сондықтан да алдағы уақытта жұмыс қарқынын арттырмақпыз, – деді «Астана» қоры директорлар кеңесінің төрағасы, «ЦАТЭК» АҚ президенті Гүлнара Артамбаева өз ойын ортаға салып.
Шын мәнінде де қор үшін маңызды бағыттардың бірі – бизнес-процестерді дамытып, технологиялық шешімдер арқылы көрсетілетін қызмет сапасын да жақсарту болып отыр. Қор заң талаптарын орындау мақсатында мультиқоржын жүйесін енгізді. Бұл салымшының өз активтерін инвестициялық стратегия – орнықты және консервативтік инвестициялық қоржындар негізінде басқаруға мүмкіндік береді. Сонымен қатар, біздің клиенттеріміз «Салымшы бөлмесі» қызметін пайдаланып, өз салымдарын интернет арқылы бақылай алады. «Салымшы бөлмесінің» қалай жұмыс істейтіні туралы толық ақпаратты «Астана» ЖЗҚ-ның кеңсесінен немесе www.astananpf.kz сайтынан табуға болады.
– Салымшылар өздерінің зейнетақы жинақтарының тиімді басқарылуын қалайды. «Астана» жинақтаушы зейнетақы қоры құрылған күннен бастап салымшылардың осы талаптарына жауап беруді басты мақсат еткен болатын, – деді «Астана» ЖЗҚ басқарма төрағасы Андрей Карягин. – Сондықтан да біз әбден ойластырылған, белсенді инвестициялық саясаттың нәтижесінде елдегі зейнетақы қорларының арасында инвестициялық табыс жағынан тағы ірі жетістіктерге жетіп отырмыз. Соған орай клиенттерге көрсетілетін қызмет сапасын жақсартып, салымшыларға қолайлы болуы үшін олармен ашық жұмыс істеуге үнемі көңіл бөлеміз.
Қор «Сбербанк» АҚ ЕБ-мен стратегиялық бағытта серіктестік орнатты. Банк қор салымшыларына қаржылық қызмет пен банктік өнімдер бойынша қолайлы мүмкіндіктер туғызып отыр. «Біз қарқынды дамып келе жатқан «Астана» ЖЗҚ-ның жұмысын қолдаймыз» дейді «Сбербанк» АҚ ЕБ жеке тұлғаларға несие беретін департаментінің бастығы Роман Гончаров:
– Біздің банк қормен серіктестік шеңберінде «Астана» ЖЗҚ салымшыларына бірқатар қызмет түрлерін ұсынады. Мәселен, қордың әрбір клиенті төмен пайызбен тұтыну несиесін ала алады, оның пайыздық мөлшерлемесі стандартты несиемен салыстырғанда бір пайызға төмен. Сонымен қатар, банк несиені алдын-ала мақұлдау жоспарын жасап шыққан. Сбербанк «Астана» қорының өзге банктердің қызметін пайдаланатын салымшыларына да көмектесуге, олардың бұрын алған несиелерін қайта қаржыландыруға дайын. Сонымен қатар, Сбербанк заңды және жеке тұлғалар үшін төлем карталары бойынша айрықша қызмет түрлерін ұсынады. Бұл серіктестік қор салымшылары үшін пайдалы әрі қызықты болады деп ойлаймын.
Сөз реті келгенде айта кететін тағы бір жайт, «Астана» ЖЗҚ-ның салымшылар саны 534 мыңнан асып, зейнетақы активтері 140 миллиард теңгені құрайды. Сонымен, республика зейнетақы жүйесінде салымшылар саны жағынан төртінші, ал зейнетақы активтері жағынан алтыншы орындағы «Астананың» алдағы асулары биік екендігіне көпшіліктің сенімі мол.
Бақыт БАЛҒАРИНА,
Алматы.
