Тағдыр сыйлаған қуаныш
Бейсенбі, 26 сәуір 2012 7:19
Мен өткені ертегі, ертеңі еңселі Қазақстанда, әлем тамсанған Астанамызға іргелес Шортандының Новокубанка ауылында туып-өскеніме қуанамын. Ауылымыздағы жиырмадан астам ұлт пен ұлыс өкілдері тату-тәтті тұрмыс кешіп, адал еңбектерімен абыройымызды асыруда. Сонау Балтық жағалауын мекендеген әкем Артурс сексенінші жылдары осында қоныс аударған екен. Қарапайым мәшине жүргізуші. Ешқашан жаман атын естімегенбіз. Ағам Артем екеуміздің ғана емес, бүкіл ауылдың сыйлысы десе боларлықтай. Анамыз ерте қайтыс болғанымен, ел ішінде жетімдік көрген жоқпыз.
Бейсенбі, 26 сәуір 2012 7:19
Мен өткені ертегі, ертеңі еңселі Қазақстанда, әлем тамсанған Астанамызға іргелес Шортандының Новокубанка ауылында туып-өскеніме қуанамын. Ауылымыздағы жиырмадан астам ұлт пен ұлыс өкілдері тату-тәтті тұрмыс кешіп, адал еңбектерімен абыройымызды асыруда. Сонау Балтық жағалауын мекендеген әкем Артурс сексенінші жылдары осында қоныс аударған екен. Қарапайым мәшине жүргізуші. Ешқашан жаман атын естімегенбіз. Ағам Артем екеуміздің ғана емес, бүкіл ауылдың сыйлысы десе боларлықтай. Анамыз ерте қайтыс болғанымен, ел ішінде жетімдік көрген жоқпыз.
Қарапайым цыган баласының бақытты ғұмыры Қазақстан Тәуелсіздігімен тығыз байланысты дегім келеді. 1991 жылдың 16 желтоқсанында дүниеге келгенімді мақтан етемін, бірақ өзге құрбы-құрдастарымнан ешқандай ерекшелігім жоқ. Қайта мойнымдағы жауапкершілік басқаларға қарағанда салмақтырақ екенін сезінемін. Бұл елде Тәуелсіздікке қатысты құндылықтар айрықша қастерленеді. Мен 10 жасқа толған күнімде Қазақстан Республикасының Президенті Нұрсұлтан Әбішұлы Назарбаевтың шақыруымен Астанадағы салтанатты қабылдауда болдым. Елбасының қолынан электронды ұйымдастыру құралдарымен қатар, үш тілде жазылған «Қазақ ертегілерін» алуым мені көп ойға қалдырды.
Балалардың арманы шексіз әрі асау келетіні бар. Мен әскери қызметші, дәрігер, мұғалім, тіпті, геолог болуды да армандайтынмын. Новокубанка орта мектебінің директоры Франц Юлиянович Раковский аттестат алғаннан кейін маған ақпарат саласындағы мамандықты таңдауыма кеңес берді. Өзіміздің ЖШС директоры Шота Доброскок та ауылға осындай инженерлер ауадай қажеттігін айтқаны жақсы үміттерге жетеледі. Міне, қазір Көкшетаудағы А.Мырзахметов атындағы университетте «Ақпараттық жүйелер» мамандығы бойынша оқып жүрмін. Мұнда келуімнің тағы бір себебі, университет атақты ғарышкеріміз Талғат Мұсабаевпен тығыз байланыс жасайтынын білетінмін. Айтқандай-ақ, ол кісі жыл сайын бізде қонақта болып, өзінің атындағы стипендияны тапсырып жүр. Менің арманым – алдағы курстарда үздіктер қатарынан көрініп, даңқты ғарышкердің қолынан сондай сертификат алу. Ал ел ішіндегі татулық пен түсіністік бізді бұдан да жоғары жетістіктерге жеткізетініне сенімдімін. Оған біз айрықша жауаптымыз.
Сандис ЯУНЗЕМИС, Көкшетаудағы А.Мырзахметов атындағы университет студенті.
