Байқаудың YouTube хостингіндегі ресми парақшасына жарияланған роликте екінші кезеңге қазақстандық Димаш Құдайберген мен Данэлия Төлешова да өткен.
Дауыс беру қорытындысы бойынша Димаш 100 балдан 98, ал Данэлия - 96 балл алды. Бағдарлама эфирі сәрсенбі, 20 ақпанға жоспарланған. Ал Қазақстанда әртістердің өнерін 21 ақпанда таңертең көре алады.
The World's Вest - CBS арнасындағы талантты адамдар туралы телебағдарлама. Төрешілер арасында танымал актриса Дрю Бэрримор, әнші Фэйт Хилл және актер Ру Пол бар, сондай - ақ, жүргізуші - британдық күлдіргі Джеймс Корден. Соңғы шешімді үш бас төреші мен әлемнің түкпір-түкпірінен келген 50 сарапшы қабылдайды.
