Аймақтар • 20 Ақпан, 2019

Бақыт Сұлтанов тұрғындарды қоқысты сұрыптауға шақырды

230 реткөрсетілді

Астана қаласының әкімі Бақыт Сұлтанов қоршаған ортаны қорғау саласындағы екі басымдықты атады. Бұл туралы Астана әкімдігінің баспасөз қызметі хабарлады. 

«Адамдар ауаны ластамау үшін көлікпен аз, жаяу көбірек жүруі керек», – деді әкім тұрғындарға есеп беру барысында. Б. Сұлтановтың айтуынша, Көктал-1, Көктал-2, Оңтүстік-Шығыс тұрғын үй алаптары мен Железнодорожный кентін газдандыру зиянды шығарындыларды қысқартуға едәуір мүмкіндік береді.   «Біз қыстыгүні болатын тұмша туралы айтып отырмыз.

Қоқыс жөнінде: құрметті қалалықтар, сіздерден оны сұрыптап жинауды сұраймын. Өздеріңіз ойлап көріңіздерші, бір тәулікте мыңнан астам тонна қоқыс шығарылады», –  деді әкім. Ол, сонымен қатар, қала айналасында 10 млн ағаш өсіп тұрғанын, осы жылы тағы жарты миллион көшет отырғызылатынын мәлімдеді. Жыл соңына дейін бес гүл бағы пен екі желекжол салынбақ.

Соңғы жаңалықтар

Ұқсас жаңалықтар