Мемлекеттік тіл – менің тілім

Сейсенбі, 5 маусым 2012 6:50

Кеше Мәдениет және ақпарат министрлігі Тіл комитетінің ұйымдастыруымен «Тіл – татулық тірегі» деген тақырыпта дөңгелек үстел өткізілді.

Дөңгелек үстелді комитет төрағасы Мақсат Сқақов жүр­гіз­ді. Оған еліміздің барлық өңір­ле­рінен келген мемлекеттік тілді білетін жиырмаға тарта өзге ұлт өкілдері қатысты.

 

Сейсенбі, 5 маусым 2012 6:50

Кеше Мәдениет және ақпарат министрлігі Тіл комитетінің ұйымдастыруымен «Тіл – татулық тірегі» деген тақырыпта дөңгелек үстел өткізілді.

Дөңгелек үстелді комитет төрағасы Мақсат Сқақов жүр­гіз­ді. Оған еліміздің барлық өңір­ле­рінен келген мемлекеттік тілді білетін жиырмаға тарта өзге ұлт өкілдері қатысты.

Дөңгелек үстел барысында оған қатысушылардың дені мұ­ға­лімдер, БАҚ өкілдері, мәде­ниет саласының қызметкерлері еке­нін байқадық. Мысалы, «Ас­та­на» телеарнасында қызмет іс­тей­тін Максим Рожин, «Мерей» халық­тық ансамблінің әншісі Сер­гей Семыгин, Қызылорда қа­ласын­дағы «Қоғам ТВ» телеар­насының журналисі Елена Рыбина көпке танылып қалған жан­­дар десек қателеспейміз. Сон­дай-ақ, дөңге­лек үстелде Қа­ра­ған­ды облысынан келген қа­зақ тілі пә­ні­нің мұғалімі Татьяна Ахметова, Өске­мен қаласын­да­ғы Мемле­кет­тік тілді үйрету ор­талығының оқыту­шысы Надежда Шушаникова, Төтенше жағ­дай­лар ми­нистр­лігі баспасөз қыз­метінің өкілі Любовь Шапочникова сынды жастар да мем­лекеттік тілді дамытуға қа­тыс­ты өз ойларын ортаға салды.

М.Рожин қазақ тілінің тағды­рына алаңдайтын жандар үшін көңіл қуантатын шаруалар атқа­рылып жатқанымен, оның нәти­жесі әлі де төмен екенін айтты. «Қазіргі кезде тілді насихаттау жұмыстары күшейтілді. Нәти­же­сінде «Қазақстан» телеарнасы тек қазақ тілінде хабар тарататын болды. Қазақ тіліндегі оқу­лық­тар­дың саны көбейді. Қазақ тілі­не аударылып жатқан фильмдер көбейді. Бірақ бұл әлі де жеткі­ліксіз» деген ол қазақ тілі­нің имид­жін көтеру туралы өз ұсы­нысын жеткізді. Оның ойынша, қазақ тіліне ең бірінші кезекте жағымды жарнама жасалу керек. Екіншіден, тілді насихаттайтын еріктілер тобы пайда болып, олар орыс тілді орталарда мемлекеттік тілімізді насихаттаумен айналысатын болуы шарт. «Еріктілер бас­қа бір жақтан кел­мей­ді, әрине, тіл жанашырлары осы қатардан табылса», – дейді М.Рожин.

Өскемендегі мемлекеттік тіл­ді үйрететін орталықта оқыту­шы­лық қызмет атқаратын Надежда Шушаникова негізінен өз орта­лықтарының жұмысы жайында баяндады. Халқының 40 пайызы өзге ұлт өкілдерін құ­рай­тын Өс­кемен қаласындағы бұл мекемеге осы күнге дейін тіл үй­рену үшін 18 мыңға жуық адам тіркелген. Орталықтың «Қа­зақ тілін үйре­нейік» атты сайтына 68 мыңнан аса адам тіркеліпті. Сон­дай-ақ ор­талық жа­нынан өзге ұлт өкіл­дерінен құралған пікір­сайыс клубы ашылыпты. Бұның да мақсаты біреу – қазақ тілін үйрету. Надежда қазақ тілін білмейтін қа­зақ­тар­дың өзі­нен сабақ алатынын қын­жыла отырып әңгімеледі. «Біз не­гі­зі­нен ересектерге тіл үйретеміз. Олар ой-пікірлері қалыптасқан жандар. Сондықтан оларға тіл үй­ре­­ту қиынырақ. Тек дүрмекке іле­сіп, саясат үшін тіл үйренем деу әурешілік. Бастысы, тілге де­­ген сүйіспеншілік керек», – дейді ол.

Айгүл СЕЙІЛОВА,

«Егемен Қазақстан».