25 Ақпан, 2019

Көп балалы отбасыларға көмек көрсетуде

540 реткөрсетілді

Қай қоғамда болсын, қайырымдылық пен қолдауды қа­жет­сінетін жандар болмай тұрмайды. Әсіресе, мұндай көмекке көп балалы тұрмысы төмен отбасылар, қамқоршысынан айырылған көп балалы аналар зәру екені айтпаса да белгілі.  

Осы мәселені реттеу үшін өңірде арнайы жұмылдырушы топтар құрылды. Оның мү­ше­лері тұрмысы төмен, табысы аз, тұрақты баспана мәселесі ше­ші­мін таппаған отбасылардың үй­леріне барып, жай-күйлерімен та­ны­суды тұрақты іске айналдырып келеді. Оның құрамында қоғам қайраткерлері, мәслихат де­пу­тат­тары, кәсіпкерлер, қоғам­дық қорлар мен мемлекеттік органдардың өкілдері бар.

Сондай-ақ бұл құрамға ай­мақтағы абыройы жоғары, өмірден көргені мен түйгені мол зейнет жасындағы адамдар да енді. Солардың бірі, прокуратура органдарының ардагері Мәрия Тә­жібаева мұқтаж жандарға кө­мек көрсету ісінің бел ортасында жүр. «Мен зейнеттемін. Әйтсе де топ құрамында ел-жұртқа қо­лымнан келген көмегімді тигі­зуді қажет деп таптым. Сон­да байқағаным, бірқатар отба­сылар мен мұқтаж жандар өзде­рінің заңды құқықтарын біле бермейді. Оларға осы тұрғыдан заң­дық кеңес беруді парызым деп санаймын. Тұтастай алған­да қарапайым тұрғындар жергі­лікті биліктің өздерін елеу­сіз қалдырмағаны үшін ризашы­лық­тарын білдіруде» дейді ол. 

– Жұмылдырушы жұмыс топ­тары тұрмыс деңгейлері төмен отбасылардың жай-күйі­мен танысқаннан кейін тиісті ше­шім қабылдайды. Қажет жағ­дайда оларға әртүрлі материал­дық көмек беру шараларын ұйым­дас­тырады. Бұл мәселе жұмыл­дырушы топтар мүшелерінің қаты­суымен қалалық әкімдік жа­нында тұрмысы төмен отба­сы­ларға көмек көрсету жөнінде құрылған штабтың мәжілісінде талқыланып, түбегейлі шешімін табады, − деді Ақтөбе қаласының әкімі Ілияс Испанов. 

Өңірде дербес баспанасы жоқ, пәтер жалдап тұратын көп б­а­лалы аналарға бизнес өкіл­дері мен кәсіпкерлер көмек көр­­сетуде. Мысалы, таяу­да «Ақ­төбе­СтройЭксперт» ЖШС-ның директоры Жасталап Жанбеуов құрқылтайдың ұя­сындай тар, уақытша баспанада тұратын сегіз баланың анасы, «Алтын алқа» иегері Салтанат Сәдуоваға пәтер сатып алып берді. Бұл үшін ол «Қолқанат Ақтөбе» қоғамдық қорына қа­жетті қаражатты аудар­ды. Осы арада көп балалы ананың ері, екінші топтағы мүгедек әрі екі перзенті арнайы мектепте оқи­тын мүгедек балалар екенін де айта кеткен жөн. 

Сондай-ақ Ақтөбе қаласында жалдамалы пәтерде тұратын алты баланың анасы Галина Новиковаға жер телімінің сертификаты берілді. Ендігі кезекте Ақтөбенің атымтай жомарт­тарының бірі, жеке кәсіпкер Айбек Әмірбаев берілген жер теліміне оған үй салып беруді көздеп отыр. Аймақта тұрмысы төмен көп балалы отбасыларға әлеуметтік көмек көрсету ісінің өзге де мысалдары жеткілікті. Жұмылдырушы топтар мен Ақ­төбе қалалық әкімдігі жанынан құрылған штаб мүшелері алға қойған мақсаттарын іске асыру үшін нақты мекен-жайларға барып, қарапайым тұрғындардың өтініштеріне құлақ түріп жүр. 

Темір ҚҰСАЙЫН,

«Egemen Qazaqstan»

АҚТӨБЕ

Соңғы жаңалықтар

Басты ақпарат (21.02.2020)

Видео • Бүгін, 18:56

Барлық мәселе ашық айтылды

Аймақтар • Бүгін, 06:56

Тендерді майшелпек көреді

Саясат • Бүгін, 06:55

Туризм – табыс көзі

Парламент • Бүгін, 06:53

Қиырдағы қайырымды қазақ

Қоғам • Бүгін, 06:45

Ұқсас жаңалықтар