25 Ақпан, 2019

Әйелдердің «ісі» әшкереленеді

264 реткөрсетілді

Жамбыл облысының құрметті азаматы, жазушы-драматург Елен Әлімжанның комедия жанрындағы «Әйелдер бір іс бастады» драмасы облыстық қазақ драма театрында сахналанды. Аталған қойылымды Әулиеата жұртшылығымен қатар, Жамбыл облысының әкімі Асқар Мырзахметов арнайы келіп тамашалады.

Бүгінгі таңда ерлі-зайып­­тылардың арасында түрлі мәсе­лелер туындап, оның соңы отба­сылық шырғалаңға ұласып жа­тады. Мұндай жағдай, әсіресе жастардың арасында көп кездеседі. Орынсыз қыз­­­­ғаныш, беймәлім күдік те ер­лі-зайыптылардың арасына от жағып, ақырында опық жегізетіні шын. Елен Әлімжан «Әйелдер бір іс бастады» драмасында осындай әрекеттерді әшкерелеп, көрерменді күлдіре отырып ойлануға жетелеуді мақ­сат еткен. Шығармада күйеу­лерін бір-біріне өзара жамандап, олардан күдіктеніп, ақыры оны тұзаққа түсіруді көксеген әйел­дердің бейнесі де ашық берілген. Жалпы, байлықтың буына мастану, сол арқылы жауапкершілік сезінбестен ойнап-күлуді мақсат еткен кей­бір қоғамдағы еркектердің де прототипі осы драмада бар. 

«Әрине «Әйелдер бір іс бас­тады» комедиясы – ол ме­нің шындықты беру тәсілім. Отба­сындағы, қоғамдағы шындық­ты халықты күлдіре отырып жет­кізіп, содан соң ойландыру. Бұл шығарманы осындай мақсатпен жаздым», дейді драматург Елен Әлімжан.

Бір қарағанда, қойылым көңіл­ді көріністерге құрылған. Өз­ара көңіл көтеріп отырған Ең­лікгүл, Гүлбибі және Ая­жан деген үш келіншек ер-азамат­тарының адалдығына көз жеткізбек болып, түрлі қу­лық­тарға барады. Бірақ осы бір көріністің өзі бүгінгі қоғамда, әрбір отбасында кездесіп жататыны белгілі. Ал сахнадағы үш келіншектің бейнесін сомдаған Гауһар Сұлтанбекова, Индира Мұстафаева және Назым Ақы­­ло­ва өздеріне тиесілі рөлді ла­йықты меңгергенін көрсетсе, Жасұлан Қамбатыров өзі сом­даған бейнесі арқылы әр­бір азаматтың өз отбасына тиіс­ті көңіл бөлуі керектігін ұғын­дырады. Бұл тұрғыда облыстық қазақ драма театрының шығар­машылық ұжымы осы қойылым арқылы өмірдегі отбасы құн­ды­лығын алға шығарған. Коме­­дияның қоюшы-режиссері – Қазақстанның еңбек сіңірген қайраткері Нұрлан Жұманиязов, ал қоюшы-суретшісі Әйгерім Рамазан.

Хамит ЕСАМАН, 

«Egemen Qazaqstan»

Жамбыл облысы 

Соңғы жаңалықтар

Ұқсас жаңалықтар