Қазақстан • 26 Ақпан, 2019

Халықтың сенімі мен қолдауы айқын сезіледі - Шалатай Мырзахметов

635 рет
көрсетілді
3 мин
оқу үшін

Жиырма жыл ішінде «Нұр Отан» партиясы Қазақстанның жетекші саяси ұйымы деңгейіне көтерілді. Мемлекет дамуындағы маңызды шешімдер мен батыл бастамалардың басынан табыла білді. Бүгінде партия саны жағынан да, сапасы бойынша да ең қуатты саяси күшке айналды.

Халықтың сенімі мен қолдауы айқын сезіледі - Шалатай Мырзахметов

Бір ғана Түркістан өңірін­де партияны қолдайтын мил­лионд­аған азамат еңбек етуде. Сая­си ұйымның бүгінгідей биік дәрежеге жетуіне өз мүм­кінд­і­гіме қарай үлес қосып келе­мін. 2003-2006 жылдары пар­тия­­ның Оңтүстік Қазақстан об­лы­сы филиалын басқардым. Осы жылдары әр елді мекенде, ірі мекемелерде бастауыш пар­тия ұйымдарын ашып, мү­ше­лікке лайықты азаматтарды тарт­тық. Сол үш жылда пар­­тия мүшелерінің санын 700 мың­ға жеткізген едік. Ал қа­зір­гі таңда Түркістан облы­сын­­да партияның 255 бастауыш ұйымы, миллионға жуық мү­шесі бар. Алғашқы құрылған күн­нен бері партия халықпен бірге барлық сындардан, қиын­дық­тардан өтіп, осындай бе­леске көтеріліп отыр. Елба­сы Н.Назарбаев өзінің бір сөзін­де «Нұр Отан» партиясы үл­кен, нағыз саяси күш ретін­де халықты, халықтың күш-жі­герін «Қазақстан-2050» Стра­те­гиясында айтылған үлкен мақсаттарға жету үшін біріктіру керек екенін айтқан болатын, яғни саяси ұйымның алдындағы басты мақсат – Мемлекет бас­шы­сы­ның, мемлекеттің саясатын халыққа жеткізу, насихаттау, халықтың күш-жігерін бір арнаға тоғыстыру, бір мүддеге бірік­тіру. Және осы жылдарда партия жұмысы негізгі мін­дет­терді орындау бағытында ашық­тық, жауапкершілік, нәти­желі­лік, есептілік қағидалары­мен жүргізіліп келеді. Ең бастысы, халықтың сенімі мен қол­дауы айқын сезіледі. Өйт­кені беріл­ген барлық уәде­лер әрдайым орындалуда, нәти­желі жұмыс­тар тұрақты түр­де атқарылуда. Пар­тияны ха­лық­қа жақын ете түскен жоба­лар да өз жемісін беруде. Мы­салы, жергілікті жерлердегі қоғамдық қабылдау бөлімдері тұрғындармен тығыз байланыста жұмыс істеді. Әрбір азамат өзін мазалап жүрген немесе жеке өмірінде туындаған мәселе­лер бойынша қоғамдық қабылдау бөлімдерінің көмегіне жүгіне алды. Онда тиісті сала басшы­ларымен, құқық қорғау орган­дары өкілдерімен, Парламент депутаттарымен кездесуге, өз мәсе­лесін айтуға мүмкіндік жасалды. Қоғамдық бөлімде көтерілген мәселелер заңды шешімін тауып жатты. Яғни, саяси ұйым халықпен жұмыс істеудің нақты үлгісін көр­сетті. Жастар саясаты, аз қам­тылған отбасылар, жұмыспен қам­ту, баспана сынды әлеуметтік мәселелер саяси ұйымның назарынан тыс қалған емес. 

Осы жылдары халқымыз­дың сеніміне ие болған, жақ­сы бастамалардың жаршысы бола білген партия уақытша туын­даған қиын кезеңдерде де тұр­ғындардың жанынан та­была алды. Бүгінде нұр­отан­дықтар Елбасы Нұрсұл­тан Назарбаев­тың әрбір Жолдау­ла­ры мен Ұлт жоспарын, «Мәң­гілік ел» ұлттық идеясын, «Бо­ла­шаққа бағдар: рухани жаң­ғыру», «Президент­тің бес әлеу­­мет­тік бастама­сы», «Ұлы дала­­ның жеті қыры» атты бас­та­ма­­ларынан туындайтын міндет­тер­ді орындау жолында үлкен жұ­мыс атқарып келеді. Елі­міз­­дің негізгі құндылық­тары мем­­лекеттік тәуелсіздігіміз, келі­­сімі мен ауызбіршілігі, тату­лығы, мемлекет экономика­сы мен елдің әлеуметтік әлеуетінің жақсаруы дейтін болсақ, онда сол бейбітшілігіміз бен тату­лығы­мызды сақтап, нығайтуға атса­лысып жүрген саяси ұйым­дардың бірегейі – «Нұр Отан» партиясы.

Шалатай МЫРЗАХМЕТОВ,

«Нұр Отан» партиясы Түркістан облыстық филиалы Саяси кеңесінің мүшесі