27 Ақпан, 2019

Оралман жастар тегін оқиды

515 рет
көрсетілді
1 мин
оқу үшін
Оралман жастар тегін оқиды

Шетелде өмір сүріп жат­қан қазақтарды қолдау мақ­сатында Елбасы Нұрсұлтан Назарбаевтың тапсырмасымен құрылған «Отандастар» қоры мен еліміздің жастарын әлемдегі ең үздік жоғары оқу орын­дарында оқыту ісі­мен айналысып келе жатқан Халық­ара­лық бағдарламалар орта­лығы бірлесіп, сырт мемлекеттерде өмір сүріп жатқан қазақ жас­тарының отандық һәм шетел­дік жоғары оқу орындарында білім алуын қамтамасыз ету жайында ынтымақтастық Мемо­рандумына қол қойды.

Аталмыш шараны іске асыру үшін жақын күндері «Отандас­тар» қоры мен Халықара­лық бағдарламалар орталығының өкілдері Моңғолия, Өзбекстан және Ресей елдеріне барып, он­дағы қандастармен, дәлі­рек айт­қанда мектеп бітіруші түлектермен кездесіп, жоғарыда қол қойылған Меморандум жайлы таныстырып, шетелдік қазақ жас­тарының білім алуына жол ашпақ. 

«Кешікпей арнайы жұмыс тобы 120 мыңға жуық қазақ тұра­тын Байөлке аймағына атта­нады. Ол жерде шамамен биыл мың жарым түлек мектеп бітіріп жатқан көрінеді. Яғни, бұлар қазақ тілінде білім алған қазақстандық оқу орындарына түсе алатын әлеуетті жастар. Мәселен, өткен жылы Өзбек­станнан елімізге білім алуға 12 мың студент жас келсе, оның 5 мыңға жуығы – этностық қазақтар. Бұлардың бәрі қа­зір тегін білім алып жатыр. Мұн­дай бағдарлама­лар көп. Бі­рақ та сырттағы қан­дас­тары­мыз­ға дұрыс ақпар жетпей жатады. Сондықтан біз ақ­па­рат­тандыру бағытын­да жұ­мыс істейтін боламыз», дей­ді «Отан­дастар» қоры прези­денті­нің кеңесшісі Дидар Болат.

Бекен ҚАЙРАТҰЛЫ, 

«Egemen Qazaqstan»