27 Ақпан, 2019

Жаңа маусым жобалары таныстырылды

290 реткөрсетілді

Орталық коммуникациялар қызметінде «Қазақстан» РТРК» АҚ Басқарма төрағасы Ерлан Қариннің қатысуымен «Қазақстан» корпорациясының құрамына кіретін телеарналардың көктемгі маусымға арналған жаңа жобалары жайлы брифинг өтті.

Басқарма төрағасының айтуынша, ұлттық арна биылғы көктемгі телемаусымын Нау­рыз мерекесіне орай бас­тау­ды жоспарлап отыр. Яғ­ни, «Нау­рыз-думан» ат­ты ме­ре­ке­лік жо­ба аясында туыс­қан Түр­кия, Қыр­ғызстан, Өз­бек­стан елдерінің жыл басын тойлау дәстүрі жайлы сю­жет­тер мен арнайы сұхбаттар ұйым­дастырылып, «Қош келдің, әз Наурыз» атты халықаралық телекөпір орнамақ.

Сонымен қатар 13 наурыз­дан бастап Ұлттық арна эфи­рінде «Топыраққа тамған тер» ат­ты жаңа телехикая шығады. Теле­хикаяда еңбек, туған жер, алтын бесік – ауыл өмірі те­реңдей көрініс тап­қан. Ал 21 наурыздан бастап «EQUUS. Жылқы тарихы» три­­логиясы көрерменге жол тар­­тады. Бұл туынды арқылы кө­рер­мен­дер жылқының адамзат та­рихындағы рөлі, шығу тегі жай­лы тың ойлармен таныса алады. 

Оның сыртында жаңадан алты тың жоба қолға алынуда екен. Олар жастарға арналған «Серпін» бағдарламасы, тың сараптамалық «Жаһан-сарап» жобасы, қазақтың жаңа орындаушылары мен композиторларын та­ныс­тыратын «New qazaq wave» ат­­ты төрт бөлімді кон­церт, сон­­дай-ақ «Беу» музы­калық ток-шоуы, «Кім білгір?» интел­лек­туал­дық және сати­ралық «Әзіл-мәзір» жобасы. 

Бұған эфирден түспей келе жатқан арнаның тұрақты бағ­дарламалары жаңа форматқа ауыс­ып, жетіле түспек екен. 

Ұлттық арнаның құрамын­дағы «Qazsport» Еуропа футбо­лының үздік ойындарын тама­ша­латумен қатар, наурыз айында Ресейдің Красноярск қала­сында өтетін қысқы Уни­вер­сиаданы, сәуірдің 29-ынан мамырдың 5-і аралығында Аста­нада өтетін хоккейден ха­лық­аралық турнирін тікелей эфирде көрсетпекші.

Ал «Balapan» арнасы та­ным­­дық, ойын-сауықтық, отба­сылық бағдарламалармен то­лықтырылады. Ата-ана мен ба­ланың ара қатынасын жақ­сартуға құрылған «Баламен сұхбат» және балдырғандарға көтеріңкі көңіл-күй сыйлайтын «Таңжарық» ойын-сауық бағдарламасы, баланың зейінін дамытуға мүмкіндік беретін «Кім тапқыр?» жобасы тікелей эфир­­де шығатын болады. 

Брифингте жур­­налистер ес­тіген тағы бір жаңа­лық – 29 мау­­­­сым күні Ас­та­нада әнші Ди­маш Құдайбергеннің «Ар­­нау» ат­­­ты шы­ғармашылық кон­цер­ті өтеді. Осы шараға да да­­йын­дық жұмыстары бас­талып кет­­кенін хабарлаған Ер­лан Ты­­ным­байұлы: «Концерт «Қа­зақстан» корпорациясының ұйым­дас­тыруымен өтетіндіктен, декорация эскиздері, техникалық жабдықтау жұмыстарын қолға алдық. Ал шы­ғармашылық жа­ғынан айта кетсем, әр нөмір экс­клю­зивті болады. Арнайы эф­фек­тілер қолданылады», деді.

Бекен ҚАЙРАТҰЛЫ, 

«Egemen Qazaqstan»

Соңғы жаңалықтар

Негізгі ұғымдар жүйеленеді

Саясат • Бүгін, 08:43

Тиімді диологқа жол ашады

Саясат • Бүгін, 08:37

Қоғам мүддесін ойлаған құжат

Саясат • Бүгін, 08:33

Жарысты 8 жүлдемен аяқтады

Спорт • Бүгін, 08:29

Ақпанның бораны ашулы

Аймақтар • Бүгін, 08:26

Өткен ғасыр өрнегі

Таным • Бүгін, 08:25

Үшінші рет финалда жеңілді

Теннис • Бүгін, 08:24

Сөз сойыл №89

Руханият • Бүгін, 08:02

10 жыл субсидияланған саланың жыры

Экономика • Бүгін, 07:53

Жемістен чипс жасайды

Аймақтар • Бүгін, 07:52

Сөздің құны мен құдіреті

Руханият • Бүгін, 07:46

Бағаны ауыздықтаудың амалы

Үкімет • Бүгін, 07:44

Мақамы мәшһүр Маңғыстау

Аймақтар • Бүгін, 07:26

Саят атының сыны мен бабы

Қоғам • Бүгін, 07:23

Қаламы семсер серке еді

Таным • Бүгін, 07:20

Өзі де, сөзі де сұлу

Руханият • Бүгін, 07:15

Ана тілі – арың бұл...

Руханият • Кеше

Ұқсас жаңалықтар