Театр • 28 Ақпан, 2019

Көрерменін қуантқан комедия

132 реткөрсетілді

Жастар жылындағы елорда халқын қуантқан айтулы жаңалық – «Астана» комедия театрының ашылуы десек, артық айтқандық емес. Иә, енді бас қаланың комедия жанрына салаланған кәсіби театры бар.

2018 жылдың қазан айында ресми түрде құрылған театрдың директоры әрі көркемдік жетек­ші­сі – Қазақстанның еңбек сіңір­ген қайраткері Тұрсынбек Қаба­тов, бас режиссері – Сайлау Қами­ев. 

Астана қаласы әкімдігінің қолда­уымен өмірге келген өнер ордасы жаңа жылда қос бір­дей комедиясын көрермен наза­ры­на ұсынып үлгерді. Оның ал­ғаш­­қысы – жас театрдың тұ­­са­­уын кескен М.Фрейннің «Теа­тр 180◦» қойылымы болса, екін­шісі – француз драматургі М.Камолеттидің «Мерекелік меню» комедиясы.

– Комедия театры болғаннан кейін, әрине, негізгі басымдық отан­дық және шетелдік дра­ма­тург­тердің үздік қойы­лым­да­ры­на беріледі. Алдағы уақытта астарлы, айтары мол комедиялармен қатар, У.Шекспир, А.Чехов сияқты классик драма­тург­тердің де пьесаларын сах­на­ға шығару жоспарда бар. Өйткені бірыңғай күлкі жанрына ойыса берсек, актерлеріміздің шығар­машылық өсуін таптау­рын­дылыққа ұрындырып алуымыз мүмкін. Сондықтан да театр репертуарының 80 пайы­зын комедия жанрындағы қойы­лым­дарға арнасақ, қалған 20 пайызы драма мен трагедияға арналады деп күтілуде. Театр труппасының барлығы дерлік жастар болғандықтан, сахнаға жастық жалынды, тазалықты алып келгіміз келеді, – дейді театр­дың бас режиссері, Қазақ­станның еңбек сіңірген қайрат­ке­рі Сайлау Қамиев.

Астанадағы Қазақ ұлттық өнер уни­вер­ситетін актер, режиссер Сайлау Қамиев шеберханасы бойынша тәмамдаған жас­тар­дан құралған театр труп­па­­сында барлығы 31 актер қызмет етеді. Жақында премьерасы өткен француз драматургі М.Камо­леттидің «Мерекелік меню» комедия­сынан сол жас­тар­дың бір­қатарының өнерін тамашалау мүм­кіндігі туды. Атап айтсақ, Жак­лин рөлінде – Ақбота Мәке­жа­­нова мен Алтынай Қожах­ме­то­ва, Бернард – Әли Бидах­мет пен Нұржан Асылхан, Ро­берт – Әли Жарасұлы, Ғани Берден­бетов, Сюзетта – Айша Ағымбай, Альбина Уәлиева, Сюзанна – Еңлік Айымғазы, Әсел Нұртазина және Джордж рөлінде Бағлан Иманғазинов пен Бейбарыс Асқарбеков өз өнерлерін көр­ер­­мен назарына ұсынды. Шы­тыр­ман оқиғаға құрылған ситуа­ция­лық комедиядағы оқиға желі­сі­нің күтпеген бұрылыстары, шыр айналдырар интрига мен тартысты сюжет актерлердің мін­деттерін қиындатқанымен, іш­кі және сыртқы пластикасын, жалпы шығармашылық мүмкіндігін көрсетуіне тамаша жол ашқаны анық. Алдағы уақыт­та да театр осы ізденісін жал­­ғастыра берсе, сандық қана емес, сапалық тұрғыдан да жаңа белеске көтеріліп, өнер әле­мін­де өз қолтаңбасын қалып­тас­ты­ра­тынына сенім мол. Оған жас труппаның шығармашылық қарымы толық жетеді.

Назерке ЖҰМАБАЙ, 

«Egemen Qazaqstan»

Баннер
Соңғы жаңалықтар

Оралдан шыққан отызыншы кеме

Аймақтар • Бүгін, 16:05

Бабамнан қалған бағалы тәсіл

Аймақтар • Бүгін, 15:36

Ұқсас жаңалықтар