Қазақстан • 28 Ақпан, 2019

Қазақстан халқы Ассамблеясының үндеуі

515 реткөрсетілді

Құрметті отандастар! 

Қазақстан Республикасының Прези­­ден­ті Н.Ә.Назарбаевтың «Нұр Отан» пар­­­­­­тия­­сының XVIII съезінде сөй­ле­ген сөзі даму­дың қазіргі кезеңінде ел алдында тұр­­­­ған түйінді мақсаттар мен әлеуметтік сая­­­­сат­­тың міндеттерін айқындайтын стра­те­­­гия­­­лық маңызды бағдарламалық құжат болды. 

Азаматтардың мемлекет тарапынан қолдау күткен сауалдары Елбасының өзекті, әлеуметтік бағдарланған тапсырмаларында атаулы және барынша дәл жауаптарын тапты. 

Негізгі басымдық – азаматтардың өмір сүру деңгейін және Қазақстанның әлеу­мет­тік мем­лекет ретінде дамуын қамтамасыз ету. 

Бүгіннің негізгі міндеттері – халықтың аз қамтылған топтарының табыстарын арттыру және қолдау, кірісі төмен аза­мат­тардың тұрғын үй мәселелерін шешу, білім беру және денсаулық сақтау салаларын жақсарту, өңірлерді кешенді дамыту.

Қазақстандық отбасылардың әл-ауқат деңгейін арттыру бойынша нақты қадамдар ұсынылды. Негізінен кірісі төмен көп балалы отбасыларға арнап 40 мыңнан астам жалға берілетін пәтерлер салынып, несиелеудің жеңілдікті жаңа тетігі әзірленетін болады.

Әр балаға берілетін ең төменгі төлем мөлшері 21 мың теңге шамасында.

2019 жылғы 1 шілдеден бастап бюджет саласының төмен жалақы алатын қызметкерлерінің жалақысы 30%-ға, ал жергілікті атқарушы органдардың төмен деңгейдегі қызметкерлерінің жалақысы орташа есеппен 25%-ға ұлғаяды. 

Білім беру және денсаулық сақтау сала­­­­­­ларын бұдан әрі қарай: оқу орын­дары­­­­­ның тиімділігін арттырудан бас­тап қо­ғам­­­дық денсаулық сақтау және ал­ғаш­­қы меди­­­циналық-санитарлық көмек көр­­се­ту қыз­меттерінің жұмысына шыға­­тын шы­­­ғын­­­дарды 40%-дан 60%-ға дейін ұл­­ғай­­­­ту­ды жақсартудың жолдары белгі­лен­ді. 

Президент Үкімет пен өңірлер әкім­дері жұмысының маңызды тұс­тарын атап көрсетті. Елдегі өмір сүру­дің жаңар­тылған өңірлік стандарттарына негіз­делген Жаңа картасын қалып­тасты­ру­ға тапсырма берілді. Болашағы бар селолық елді мекендер өсу және орнық­ты даму жолындағы мекендерге айналуға тиіс. 

Барлық жобаларды іске асыру үшін бюджеттен жиынтығында 2 триллион теңгеден астам қаржы бөлінеді. Мұның шамамен 2 миллион адамға және 340 мың көп балалы отбасына әсері болады. 

Қазақстан халқы Ассамблеясы «Нұр Отан» партиясымен бірлесіп, Мемлекет басшысының тапсырмаларының орындалуына тұрақты негізде қоғамдық бақылау жасап келеді. Бұл жұмыс Елбасының жаңа әлеуметтік бағдарламаларына қатысты да жалғасатын болады.

Өйткені нақ осы халықтың әлеу­меттік әл-ауқаты мәселелері ұлттық бірлікпен тікелей байланысты. Олардың негізінде – халықтың бірлесуі, бәсекеге қабілетті экономика, зияткер қоғам, әлем құрмет тұтатын ел деген ортақ мән жатыр. 

Әлеуметтік мемлекеттің іргетасын солар қалыптастырады. Ал бұл мем­лекеттің ең негізгі мұраты – әр қазақ­стан­дықтың бақуатты болуы. 

Құрметті қазақстандықтар!

Президент ұсынған шаралар – ел­де жүргізіліп жатқан әлеу­мет­­тік жаңғыртудың, Бес әлеуметтік бастаманы және «Қазақ­стан­дықтардың әл-ауқатының өсуі: табыс пен тұрмыс сапасын арттыру» Қазақстан халқына Жолдауын іске асырудың қисынды жалғасы. 

Біз олар әркімнің жүрегін жылытып, оң баға алатынына сенімдіміз. Бұл міндеттерді іске асыру бүгін, нақ осы жерде, тап қазір басталады. Елдегі бірлігіміз бен келісімімізді сақтап, ісімізге барынша көңіл бөліп, жауапкершілікпен қараған кезде ғана оларға қол жеткізе аламыз. 

Біз барлық қазақстандықтарды әлеу­меттік әділеттілік пен бақуатты мемле­кет құру мақсатына қол жеткізу жолын­да бірлігімізді бекемдей түсуге шақырамыз! 

Қазақстан халқы Ассамблеясының Кеңесі

2019 жылғы 27 ақпан

Соңғы жаңалықтар

Жақсылық жүрек жылытады

Қазақстан • Кеше

Ұқсас жаңалықтар