Қазақстан • 28 Ақпан, 2019

Қазақстанда Франкофония Наурызы өтеді

325 рет көрсетілді

1 наурыз бен 30 сәуір аралығында Бельгия, Канада, Франция, Марокко және Швейцария елдерінің елшіліктері бірігіп, #Frankofonı Naýryzy – 2019» атты мәдени іс-шаралар маусымын ұйымдастырады, деп хабарлайды ortcom.kz.

Осыған орай, Орталық коммуникациялар қызметінде франкофонды елдер елшілерінің қатысуымен франкофония мерекесіне және #Frankofonı Naýryzy – 2019» маусымына арналған баспасөз мәслихаты өткізілді.

«Франкофония – 5 құрлықтағы 80 мемлекеттің, 300 миллионнан астам француз тілді адамдардың басын біріктіретін гео-мәдени кеңістік. Жыл сайын әлем бойынша Халықаралық франкофония күні 20 наурыз күні тойланады. Қазақстандағы Наурыз мейрамын тойлау осы күнге сәйкес келетіндіктен, аталмыш маусымның #Frankofonı Naýryzy деп аталуы орынды. Мәдени маусым аясында барша Қазақстандықтарға франкофония елдерінің бай мәдениетімен және француз тілімен жақынырақ таныстыратын қызықты әрі жарқын мәдени іс-шаралар бағдарламасы ұсынылады», - деді Францияның Қазақстандағы Төтенше және Өкілетті Елшісі Филипп Мартинэ.

Күннің маңызды және өзекті жаңалықтарын «Егемен Қазақстан» телеграм каналынан оқыңыз