Қазақстандағы сайлау шетелдіктер көзімен
Бейсенбі, 19 қаңтар 2012 7:22
ЖОҒАРҒЫ ӨКІЛДІҢ МӘЛІМДЕМЕСІ
Еуропалық Одақтың Жоғарғы өкілі К.Эштон Қазақстандағы парламенттік сайлауға қатысты мәлімдеме жариялады.
Еуропалық Одақтың Сыртқы істер және қауіпсіздік саясаты жөніндегі Жоғарғы өкілі, Еурокомиссияның вице-президенті Кэтрин Эштонның мәлімдемесінде былай делінеді:
«Мен Қазақстан халқын 15 қаңтарда заң шығарушы органға сайлау кезінде өзінің демократиялық құқығын пайдалануына орай құттықтағым келеді. Сонымен қатар мен Парламентте бұдан былай үш партия болатындығы туралы хабарды жылы қабылдаймын, ал мұның өзін Қазақстанда плюрализм мен демократиялық саяси мәдениет қалыптастыруға жетелейтін оң қадам деп білемін.
Бейсенбі, 19 қаңтар 2012 7:22
ЖОҒАРҒЫ ӨКІЛДІҢ МӘЛІМДЕМЕСІ
Еуропалық Одақтың Жоғарғы өкілі К.Эштон Қазақстандағы парламенттік сайлауға қатысты мәлімдеме жариялады.
Еуропалық Одақтың Сыртқы істер және қауіпсіздік саясаты жөніндегі Жоғарғы өкілі, Еурокомиссияның вице-президенті Кэтрин Эштонның мәлімдемесінде былай делінеді:
«Мен Қазақстан халқын 15 қаңтарда заң шығарушы органға сайлау кезінде өзінің демократиялық құқығын пайдалануына орай құттықтағым келеді. Сонымен қатар мен Парламентте бұдан былай үш партия болатындығы туралы хабарды жылы қабылдаймын, ал мұның өзін Қазақстанда плюрализм мен демократиялық саяси мәдениет қалыптастыруға жетелейтін оң қадам деп білемін.
Қазақстан ЕО-ның маңызды әріптесі және біз ондағы саяси реформалардың жүзеге асуына қолдауымызды жалғастыра беруге әзірміз».
ТАБЫСТЫ САЙЛАУМЕН ҚҰТТЫҚТАДЫ
Қазақстан Республикасы Орталық сайлау комиссиясының шақыруы бойынша Парламент Мәжілісі мен мәслихаттар сайлауына Ислам Ынтымақтастығы Ұйымы Бас хатшылығынан байқаушылар делегациясы келіп қатысқан болатын. Делегация құрамына Иордания Хашимиттік Корольдігінен үш адам кірген еді.
Делегация мүшелері жұмыс режімінде Астана қаласындағы ірі сайлау учаскелерінде болып, дауыс берудің барлық кезеңдеріне байқауды жүзеге асырды. Олар сайлаушылардың жоғары белсенділігін атап көрсетіп, дауыс беру үдерістерінің қалыпты жағдайда және заң бұзушылықсыз өткеніне екпін түсірді.
ИЫҰ Бас хатшысы профессор Экмеледдин Ихсаноғлы сайлау өткізудің жалпы үдерісіне қанағат сезімін білдіріп, Қазақстан халқын ұлттық бірлікті ілгерілетуге тағы да үлкен қызығушылық танытқанымен және өз елінің демократиялық институттарын нығайтуға үлес қосқанымен құттықтады.
ИЫҰ Бас хатшысы сондай-ақ Қазақстан билігіне сайлау өткізудегі кәсібилігі мен ұйымдастырушылық шеберлігі үшін өзінің ризашылығын білдірді.
ДОСТАСТЫҚТАҒЫ БІРЕГЕЙ ЕЛ
Мен Жаңаөзен қаласындағы бірқатар сайлау учаскелерінде болып, шын қанағаттанғандық сезімде болғанымды атап көрсетемін. Қаладағы сайлау учаскелеріндегі дауыс беру мәселесі қалыпты жағдайда, ұйымдасқан түрде өтті. Дауыс беруге келген сайлаушылар қатары да аз болған жоқ. Менің ойымша, Қазақстан Президенті Нұрсұлтан Назарбаев төтенше жағдай жарияланған Жаңаөзен қаласында сайлау өткізу жөнінде өте дұрыс шешім қабылдады. Себебі, адамдар дауыс беру құқын толық пайдалануға тиіс.
Сіздердің елдеріңіздің Президенті бұл аймаққа ерекше маңыз беріп отыр. Мәселен, 16 желтоқсанда болған оқиғадан кейін ол Жаңаөзен қаласына өзі ұшып келіп, қалыптасқан жағдаймен тікелей танысып, нақты шешімдер қабылдады.
Қазақстан – ТМД мемлекеттерінің ішінде демократиялық даму принциптерін ұстанатын бірегей мемлекет. Көп партиялы Парламент – бұл әртүрлі таңдау, жан-жақты пікір, яғни пікір-сайыс органы. Егер Қазақстанның жаңа Парламентінде оппозицияның өкілдері болатын болса, бұл өз кезегінде елдің демократиялық бейнесін көрсетеді. Жалпы алғанда Қазақстан біртін-біртін демократиялық даму үрдісіне түсіп келеді.
Ұлыбритания Парламентінің тәуелсіз мүшесі ретінде, сонымен бірге Қазақстан бойынша үкіметаралық топтың бүкілпартиялық төрағасы ретінде маған алдағы уақытта қазақстандық Парламентпен тікелей жұмыс істеуге тура келеді. Өз тарапымнан айтарым, Ұлыбритания Қазақстанды қолдайды және жан-жақты көмек көрсетуге дайын.
Лорд Джон Андерсон ВЭЙВЕРЛИ, Ұлыбритания Парламенті Лордтар палатасының мүшесі.