Көп балалы отбасыларға төленетін жәрдемақымен, оларды қолжетімді тұрғын үймен қамтамасыз ету, жұмысқа орналасуына жағдай жасау жаңаша серпін аларына сенімдімін.
Елбасы съезде сөйлеген сөзінде еліміз бойынша өмір сапасын жақсартуға бағытталған өңірлік саясатты жүзеге асыра бастау қажеттігін ерекше атап өтті. Шынымен де, Елбасы айтқандай, бізде өңірлердің дамуында айтарлықтай айырмашылықтар байқалады. Неліктен бір облыстарда жолдар жақсы, ал басқаларында жаман? Неліктен бір жерлерде ТКШ тұрақты жұмыс істейді, екіншілерінде дәл ондай емес? Бұл сауалдарды сайлаушыларымыз бізге де жиі бағыттайды. Енді, міне, Елбасы халықты шынымен мазалайтын мәселелерге басымдық берді.
Президент, осы орайда, шын мәнінде жұмыс істейтін, адамдардың проблемаларын білетін және шешетін әкімдер бар екендігін, сондай-ақ халықпен кездесулерден ат-тонын ала қашатын және өңір халқының қажеттіліктері мен мұқтаждықтарына жүрдім-бардым қарайтындары да кездесетіндігін айтты.
Сондықтан да алдағы уақытта аймақтардағы барлық деңгейдегі әкімдердің жауапкершіліктерін күшейте отырып, ауылдық елді мекендердің инфрақұрылымдарын жаңғырту ісіне баса мән берілмек. Оған қоса, ауылдық жерлердегі кәсіпкерлікті дамыту ісіне де баса назар аударылды.
Сайып келгенде, Президенттің бұл жолғы тапсырмалары мен еліміздегі басты саяси партияның бағдарламасы халықтың әлеуметтік саладағы мәселелерінің оң шешімін табуына әсер етері сөзсіз.
Бақтияр МӘКЕН,
Мәжіліс депутаты
