Қазақстан • 04 Наурыз, 2019

Түркі кеңесінің Бас хатшысы Өзбекстан Сыртқы істер министрімен кездесті

904 реткөрсетілді

Түркі кеңесінің Бас хатшысы Бағдад Әміреев бірер күн бұрын Біріккен Араб Әмірліктерінің Әбу-Даби қаласында өткен Ислам ынтымақтастығы ұйымы (ИЫҰ) Сыртқы істер министрлері кеңесінің 46-шы отырысы аясында Өзбекстан Сыртқы істер министрі Абдулазиз Камиловпен екіжақты кездесу өткізді.

Өткен жылдың қыркүйегінде Чолпон-Ата қаласында өткен Түркі кеңесінің 6-шы саммиті барысында Өзбекстан Республикасының Президенті Шавкат Мирзиёев атап өткен мәселелерге тоқталған Әміреев, Сыртқы істер министріне, тауар айналымын ұлғайту, түркітілдес мемлекеттердің жеке секторлары арасындағы институционалдық байланыстарды орнату, сондай-ақ, шағын және орта кәсiпорындарға берiлген қаржы ресурстарын әртараптандыруға бағытталған, Түркі кеңесінің әсiресе экономика саласында атқарып жатқан бастамалары туралы айтты.

Осы тұрғыда тараптар, Өзбекстанның, Шавкат Мирзиёевтiң бастамасымен биыл Ташкентте өтетiн Түркі іскерлік кеңесінiң кезектi отырысы мен түркiтiлдес мемлекеттердiң жыл сайынғы бизнес-форумы сияқты Түркi кеңесiнiң маңызды іс-шараларына қатысуы туралы пікір алмасты. Әмiреев Сыртқы істер министрі Камиловты Бірлескен түркі сауда-өнеркәсіптік палаталарын құру жөнінде хатшылықтың iстеп жатқан жұмысы туралы хабардар етті.

Түркі кеңесінің жұмысында байқалып отырған динамикалық үрдістердің Өзбекстан үшін үлкен қызығушылық тудыратынын жеткiзген Сыртқы істер министрі Қамилов, Өзбекстанның осы үдерістің бір бөлігі болуға дайын екенін және экономика саласына басымдық берiлгенiн  атап өтiп, өзара мүдделер негiзiнде ынтымақтастықты дамытуға дайын екенiн айтты. Министр осы бастамалар аясында ынтымақтастық мүмкіндіктерін әрi қарай қарастыру мақсатында түркі Кеңесінің Бас хатшысын Ташкентке шақырды. Елбасы Нұрсұлтан Назарбаевтың тікелей бастамасымен жүзеге асқан Түркі кеңесі түбі бір туысқан халықтар арасындағы жан-жақты байланыстардың нығаюына қызмет етіп келеді.

Арман ОКТЯБРЬ,

«Егемен Қазақстан»

Соңғы жаңалықтар

Барлық мәселе ашық айтылды

Аймақтар • Бүгін, 06:56

Тендерді майшелпек көреді

Саясат • Бүгін, 06:55

Туризм – табыс көзі

Парламент • Бүгін, 06:53

Қиырдағы қайырымды қазақ

Қоғам • Бүгін, 06:45

Музыкалық мәдениет – мектептен

Руханият • Бүгін, 06:36

Азияның үздігі атанды

Ауыр атлетика • Бүгін, 06:30

Күніне бір жақсылық жаса!

Руханият • Бүгін, 06:27

Музей қоры толықты

Руханият • Бүгін, 06:23

Өтініштер партия назарында

Аймақтар • Бүгін, 06:20

Жаңа жолда жүз ақау

Қоғам • Бүгін, 06:17

Алматы, 1921 жыл, 8 маусым

Руханият • Бүгін, 06:12

Ұқсас жаңалықтар