Аймақтар • 04 Наурыз, 2019

Шардара су қоймасында заңсыз балық аулағандар ұсталды

1770 рет

көрсетілді

1 мин

оқу үшін

2019 жылғы 28 ақпанда «Охотзоопром» ӨБ» РМҚК-ның Қызылорда өңірлік филиал инспекторлары мен Шардара орман шаруашылығы және жануарлар дүниесі бөлімінің мамандары бірлескен рейдтік шара барысында Шардара су қоймасында тыйым салынған балық аулау құралдарымен заңсыз балық аулаған Мақтаарал ауданының екі азаматын құрықтады. Бұл туралы АШМ баспасөз хатшысы Сәкен Ділдахмет фейсбуктағы парақшасында жариялады.

Шардара су қоймасында заңсыз балық аулағандар ұсталды

Заң бұзушылар үрлемелі резеңке қайыққа мініп, су қоймада электр тоғына қосылған қармақпен 60 келі сазан балығын заңсыз аулаған.

Оқиға орнынан 60 келі сазан балығы, үрлемелі резеңке қайық ескегімен, жел бергіш, прожектор, аккумулятор мен электр тоқ көбейткіші табылды.

Ұсталған азаматтар Шардара аудандық полиция бөліміне жеткізіліп, факты СДТБТ-де тіркеліп, Қазақстан Республикасының Қылмыстық Кодексінің 335 бабының 3 бөлігімен қылмыстық іс қозғалды.