«14-29 жас аралығындағы жастар (мектептер оқушыларынан басқа) қатысады. Қатысушылар өздерінің мүмкіндіктерін пайдалануға, өмірлік жаңа дағдыларды үйренуге, көшбасшылық қабілеттерін дамытуға, бастамалық идеялар мен әлеуметтік жобаларды жүзеге асыруға қызығушылығы болуы керек», - деді Жастар корпусын дамыту жобасының Үйлестіру агенттігінің басшысы Вера Ким.
Айта кетсек, Жастар корпусын дамыту жобасының 1-компонентін Үйлестіру агенттігі іске асырады.
«Ерекше басымдық жұмыс істемейтін, оқымайтын немесе табысы төмен, яғни кедейлік шегінен төмен қалған қатысушыларға беріледі», - деп атап өтті Вера Ким.
Ұйымдастырушылардың айтуынша, жобаға қатысу барысында жастар өмірлік дағдылар мен жобаларды басқару дағдыларын үйренеді, сондай-ақ тәлімгерлерден қолдау алады.
