Аймақтар • 06 Наурыз, 2019

Роботтехника сайысы

893 реткөрсетілді

Еліміздің әр өңірінен келген үздік робот құрастырушы жас­өспірімдер «Kazakhstan Robotics Challenge» (KRC) роботтехника сайысында бақ сынады. «Білім-инновация» халықаралық қоғамдық қоры Білім және ғылым министр­лігінің қолдауымен оқушылар арасында жыл сайын ұйымдастыратын бұл байқау мектеп оқушыларының роботтехника саласы бойынша талдамалық және дизай­нерлік дағдыларын көрсетуге мүмкіндік беруді көздейді. Биылғы сайыста 170 командадан 270-тен астам оқушы 7 санат бойын­ша жарысқа түсті.

Ашылу салтанатында сөз алған Білім жəне ғылым ми­нис­тр­лігінің жауапты хатшысы Арын Өрсариев: «Рес­пуб­­ликалық деңгейде өтіп жат­­­қан роботтехника са­йы­сы – біз­дің болашағымыз са­­­на­латын жастарға керемет мүм­кіндік. Осындай іс-ша­ра­ларда жаңа әрі креативті идея­лар пайда болады. Алда осын­дай жобаларды дамыта берсек, бізден де Стив Джобс, Илон Маск сынды тұлғалар шы­ғады», деді. 

Ал «Google» компаниясы Лондондағы кеңсесінің инженері, Қызылорда «Білім-инновация» лицейінің және Назарбаев Университеттің тү­легі Абзал Серековтың айтуынша, алғашқы жылдары бұл байқауға бір ғана санат бо­йынша 30-ға жуық топ қатысатын, қазір ол 7 санатқа, 100-ден астам топқа өскен. «Бүгінде бүкіл әлем әйел­дер арасындағы роботтехникасын жақ­сы да­­мытуды қалайды. Қазақ­стан­да мен мұндай санатты алғаш көріп тұрмын», дей келе балаларға болашақта үл­кен ком­панияда жұмыс істеу үшін жарыстарға жиі қатысып, уа­қытты әлеуметтік желіге емес, білім­ге жұмсау керектігін айтты. 

Биыл балалар 5 минут ішін­де берілген 6 тапсырманы оры­ндау, 1-2 килоға дейінгі роботты аренадан ығыс­­­тырып шы­ғару, лаби­ринт­тің соңына дейін жылдам жету, роботтармен бас­қа­рылатын радиомашина құ­­­­растыру, қыздар арасында бағ­дарламалау және роботтар футболы санаттары бойынша сайысты. Ұйымдастырушы Бақ­­тияр Тұрсынбайұлы атал­­­­ған санаттардың бәрі ха­­­лық­­аралық тәжірибеде жа­ңа­лық­қа жатпай­тын­дық­тан, болашақта жаңа, өзгеше санаттар қосу ойда бар екенін жеткізді. 

Аталған сайыстан үз­дік шыққан оқушылар «Info­matr­ix» халықаралық жары­сына жолдама алса, 11-сы­нып жүлдегерлеріне Аста­на Халықаралық уни­­­вер­си­те­­тінің оқу гранты бе­ріл­ді. Атал­ған ЖОО вице-прези­ден­ті Рақымбек Жолаев: «Ел­басының бастамасымен құ­рылған халықаралық дең­гей­дегі университетімізге Ас­тана қаласының әкімдігі 100 грант бөлді. Соның 30-ға жуығын осы сайысқа қатысушы 11-­­сы­­ны­п оқушыларына та­ға­­йын­­­­­даймыз», деді. Бес ба­ғытта бі­лім беретін ІТ маман­дықтары бар университет рес­публикадан ірік­теліп келген оқушылардың бәрі осы салаға қабілетті екенін ескеріп, грант­­ты бар­лығына бөліп-жар­­­май беріп отырғанын жет­­­­­­­кізді. 

Ақтау қаласынан ке­ліп, бақ сынаған «Білім-ин­но­вация» лицейінің 10-сынып оқушысы Азамат Дүйсем­баев өзі жеңім­­паз бола ал­маса да, сайыс­тың әділ өтке­нін айтады. Аза­маттың өзі де өнертапқыш, робо­тте­хни­камен айналысу оған түр­лі жаңа жүйелерді жа­­сау­­ға жәрдемдеседі. Мәсе­лен, өнертапқыш қоқыс кон­тей­неріне орнатылатын ақыл­ды жүйені ойлап тапқан. Ол тол­ған кезде автоматты түрде тазалық орталығына белгі береді, қақпағы жабық болады. Бұл ит пен мысықтың, табиғат апаттарының әсе­рі­нен қо­қыстың шашыл­­­­ма­уы­­­на­ сеп­теседі. Ал 11-сынып оқу­­шы­сы Мағжан Аб­дол­­ла грант иеленгеніне, жа­­ңа әрі интеллек­туал дос­тар тап­­қа­нына қуа­­на­ды. Ол бола­шақ­та кибер­қауіпсіздік бағы­тын­да білім алуды жоспарлап отыр.

Айдана ШОТБАЙҚЫЗЫ,

«Egemen Qazaqstan» 

Соңғы жаңалықтар

Жақсылық жүрек жылытады

Қазақстан • Кеше

Ұқсас жаңалықтар