Тәрбие • 06 Наурыз, 2019

Таразда Қазақ ұлттық хореография академиясының концерті өтті

643 реткөрсетілді

Әлемдік және ұлттық би өнерін халыққа кеңінен насихаттау мақсатында Тараз қаласындағы «Баласағұн» орталық концерт залында Қазақ ұлттық хореография академиясының концерті өтті. Би өнерінің мамандарын дайындайтын жоғары оқу орны алғаш рет «Самғау» гастрольдік сапарымен Қазақстанның оңтүстік аймақтарын аралауға шыққан. Аталған оқу орнында білім алушылардың концерті Тараз қаласынан бастау алды.

  «Жастар жылының» аясында ұйымдастырылып отырған концертте әулиеаталық әлеумет жас өнерпаздардың өнерін тамашалады. Қазақ ұлттық хореография академиясы Орталық Азиядағы толық циклді, көп деңгейлі кәсіптік хореографиялық білім беретін бірінші жоғары оқу орны болғандықтан, бұл кеште әрбір өнерпаздың би әлеміндегі өзіндік өрнегі сезіліп тұрды.          

  Сонымен қатар, концерт барысында Қазақ ұлттық хореография академиясының үздік қойылымдары да тараздық көрерменге ұсынылды. Классикалық, ұлттық үлгідегі шетелдік және отандық хореографтардың жұмысын аталған Академияның бастауыш және жоғары сынып оқушылары орындап, көпшілік көрерменнің көзайымына айналды. Қойылымдар арасында «100 жаңа есім – 2018» жобасының жеңімпазы атанған, Академияның аға оқытушысы Анвара Садықованың авторлық биі де болды. Енді Әулиеатадан басталған би сапары еліміздің оңтүстік аймақтарында жалғасады.

 

Хамит Есаман,

«Egemen Qazaqstan»

Жамбыл облысы

Баннер
Соңғы жаңалықтар

Бірге барайық: Тегін тігін курсы

Қазақстан • Бүгін, 16:11

Рамазан айы 6 мамырда басталады

Қазақстан • Бүгін, 15:10

Жайбарақаттық жарға жықты

Қоғам • Бүгін, 10:34

Екі тал үкі

Бүгін, 10:26

Жастар театрының сәтті сапары

Руханият • Бүгін, 10:20

Áke kerek... uldarǵa

Қоғам • Бүгін, 10:10

Трансплантолог

Медицина • Бүгін, 09:54

Ұқсас жаңалықтар