Қазақстан • 13 Наурыз, 2019

Ташкенттен Астанаға 27 сағат 30 минутта жетуге болады

1124 реткөрсетілді

Туристер мен жолаушылар бұдан былай Ташкенттен Астанаға бір ғана автобус­пен жете алады. Өзбекстан мен Қазақстан арасында жаңа мемлекетаралық Ташкент-Астана автобус бағыты ашылды.

Жаңа маршруттың ара қашықтығы 1 646 шақырымды құрайды. Ал жол жүру уақыты — 27 сағат 30 минут. Бір жолғы билет құны 312 мың сум (теңгеге шаққанда 14 344 теңге). 

Екі аралықтағы жолдың ұзақтығына байланысты жолау­шыларға заманауи «YUTONG» авто­бустары ұсынылып отыр. Халықаралық автобағыттың алғашқы рейсі 10 наурызда басталды. Алдағы уақытта рейстердің саны әр тараптан күніне 4-ретке дейін артады дейді тасымалдаушы мекеме өкілдері. 

Қазір автобустар Астанадан сағат 15:00-де, 16:00-де, 17:00-де, 18:00-де және Ташкенттен сағат 12:00-де, 14:00-де, 16:00-де, 18:00-де шығатын болады.

Айта кетер­лігі, бүгінде Өзбекстан мен Қазақ­стан арасында алты мемлекет­аралық автобус бағыттары іске қосылған. 

Яғни Ташкент – Шымкент, Ташкент – Алматы, Ташкент – Қызылорда, Ташкент – Түркістан, Нөкіс – Үшқоңыр, Шыршық – Ұшқын.

Естеріңізге салар болсақ, бауырлас ел ара­сындағы ең алғашқы автобус бағы­ты Шымкент – Ташкент бағытында ашыл­ған болатын. Бүгінде көршілес қалалар арасындағы бағыт тұрақты түрде жұмыс атқаруда. Алдағы уақытта Өзбекстан астанасынан еліміздің өзге қалаларына да арнайы бағыт ашу жоспарлануда.

Нұршат ТӨКЕН,

«Egemen Qazaqstan»

ШЫМКЕНТ

Баннер
Соңғы жаңалықтар

Ұқсас жаңалықтар