Шарайна
Сейсенбі, 5 маусым 2012 6:44
АПАТТАН АМАН ҚАЛҒАНДАР ЖОҚ
Нигерияда жолаушылар ұшағы апатқа ұшырады. Логос қаласындағы бұл апаттан ұшақ портындағы 150 адам түгел көз жұмды. Нигерияның Dana Air әуе компаниясына тиесілі ұшақ 3 маусым күні жергілікті әуежай маңындағы екі қабатты ғимаратқа соғылған болатын.
Сейсенбі, 5 маусым 2012 6:44
АПАТТАН АМАН ҚАЛҒАНДАР ЖОҚ
Нигерияда жолаушылар ұшағы апатқа ұшырады. Логос қаласындағы бұл апаттан ұшақ портындағы 150 адам түгел көз жұмды. Нигерияның Dana Air әуе компаниясына тиесілі ұшақ 3 маусым күні жергілікті әуежай маңындағы екі қабатты ғимаратқа соғылған болатын.
Нигерия басшылығы әуе апатының не себепті болғаны туралы алдын ала еш мәлімет беріп отырған жоқ. Бірақ ұшақ құлаған жерден «қара жәшіктердің» бірі алынып, полицияға тапсырылған. Қайғылы оқиғаға байланысты Нигерия президенті Гулдак Джонатан үш күндік ұлттық қаралы күн жариялады. Бұл Нигерияда соңғы он жылда болған екінші осындай үлкен апат болып табылады.
ҰЛТАРАЛЫҚ КЕҢЕС ҚҰРАМЫ БЕЛГІЛІ
Жақын күндері Ресей президенті Владимир Путин Ресей президенті жанындағы ұлтаралық қарым-қатынас жөніндегі кеңес құру туралы жарлыққа қол қояды. Кеңестің басшысы президенттің өзі болады. Орынбасарлық орынтақтың бірі вице-премьер Дмитрий Козакқа бұйырғалы отыр.
Тағы бір орынбасарлық ұлттық саясат мәселесімен айналысатын президент әкімшілігі басшысының бірінші орынбасары Вячеслав Володинге тапсырылмақ. Кеңеске сондай-ақ бірқатар үкімет мүшелері: білім министрі Дмитрий Ливанов, мәдениет министрі Владимир Мединский, өңірлік даму министрі Олег Говорун және федералды миграциялық қызметтің директоры Константин Ромодановский енеді.
ДИВЕРСАНТТАР ШАБУЫЛЫНЫҢ АЛДЫН АЛҒАН
Армения қорғаныс министрі Әзербайжан диверсиялық тобының республика аумағына өтпек болған әрекетінің алды алынғаны туралы мәлімдеме жасады. Операция барысында Армения қарулы күштерінің үш қызметкері қаза тапқан. Жараланғандар да бар делініп отыр.
Оқиға Арменияның солтүстік-шығысында орын алған. Қорғаныс ведомствосының деректеріне қарағанда, диверсиялық топ Тавуш облысының Бердаван және Чинари елді мекендеріне қарай бағыт алып, армияның әскери позицияларына өтуге әрекет жасапты-мыс. Бұл оқиғаға байланысты Әзербайжан тарапы әзірше ешнәрсе айта қойған жоқ.
РЕСЕЙ СИРИЯ ҮКІМЕТІН «ҚОРҒАП ҚАЛДЫ»
Ресей Федерациясының сыртқы істер министрлігі Сирияның Хула кентінде жаппай адам өлтірілуі туралы қарарды жазғырған мазмұнда пікір білдірді. Бұл қарарды кезектен тыс сессиясында БҰҰ-ның Адам құқы жөніндегі кеңесі қабылдаған болатын.
Ресей СІМ-іне қарардың оқиғаға байланысты біржақты негізде жасалғаны, яғни тек Сирия үкіметін қаралайтыны ұнамаған. Ал құжатта бүлікшіл жасақтар, лаңкестер туралы бірде-бір сөз айтылмайды. Ведомствоның пікірінше, қарардың объективтілігі жоқ, теңдестірілмеген және біржақты мәтіні кеңес мандатының шеңберінен шығып кеткен. БҰҰ құжатына 47 мүше елдің 41-і жақтап дауыс берсе, Ресей, Қытай және Куба қарсы дауыс берген.
ГИННЕСТІҢ РЕКОРДТАР КІТАБЫНА ЕНДІ
Ұлыбритания патшайымы Елизавета ІІ-нің таққа отырғанына 60 жыл толды. Бұл дата Ұлыбритания аумағында кең көлемде аталып өтті. Мерекеге орай 3 маусым күні Темза өзенінен өткен флотилия әлемдегі ең ауқымды кемелер шеруі ретінде Гиннестің рекордтар кітабына енді.
Өзендегі салтанатқа шамамен мың шақты кеме қатысқан. Елизавета ІІ-нің өзі және патшайымның отбасы мүшелері аталған салтанатқа арнайы жөндеуден өткізілген корольдік «Спирит оф Чартуэлл» баржасының бортына мініп қатысқан. Іс-шара 6 сағатқа созылса, флотилияға қатысушылардың жалпы саны 20 мың адамды құраған, қозғалысын 1,2 миллион адам тамашалаған.
ПАНАМА ЖАҒАЛАУЛАРЫНДА ЖЕР СІЛКІНДІ
Панаманың Тынық мұхиты жағалауларында 4 маусымға қараған түні мангитудасы 6,6 балдық жер сілкінісі тіркелді. Жерасты дүмпулерінің эпицентрі Чирики провинциясының әкімшілік орталығы – Давид қаласынан 370 шақырым жерде болған.
АҚШ геологиялық қызметінің сайтындағы мәліметтерге қарағанда, цунами пайда болу қаупі туралы ескерту еш жерге таратылмаған. Сондай-ақ соңғы уақыттарға дейін жер сілкінісі салдарынан зардап шеккендер және ғимараттардың құлауы жөнінде де ешнәрсе айтылмайды. Соған қарағанда, жер сілкінісінің эпицентрі елді мекендер орналасқан жерден аулақта болғанға ұқсайды.
Интернет материалдары негізінде әзірленді.
