Қаланың қақ ортасында көпқабатты ғимарат ұзақ жылдар бойы иен қалған болатын. Ерік Шаймұханов басқаратын «Еңбек» шаруашылық құқындағы республикалық мемлекеттік кәсіпорны қараусыз қалған ғимаратты қайтадан қалпына келтіріп, жөндеп шықты. Тұрғын үйдің шатыры ауыстырылып, су, жылу жүйелері тартылды. Бір қарағанда болымсыздау болып көрінетін бұл жаңалық жергілікті жер үшін өте маңызды. Өйткені, бұл жердегі құрылыс қарқыны қаржы тапшылығына байланысты қарқын ала қоймаған. Сондықтан да, аудан орталығының тұрғындары аздап болса да 17 отбасының тұрғын үй жағдайын жақсартқанына қуанышты. Бұл үйге бюджеттік мекеме қызметкерлері, әлеуметтік жағынан аз қамтылған отбасылар қоныстанды. Қалай болған күнде де жан жадыратар жақсылықтың нышаны.
Байқал БАЙӘДІЛ,
«Egemen Qazaqstan»
Ақмола облысы.
