Премьер-министр көз жұмды

Сәрсенбі, 22 тамыз 2012 7:32

Елді 20 жылдан астам басқарған Эфиопияның премьер-министрі Мелес Зенави қайтыс болды. «Франс-пресс» ақпарат агенттігінің хабарлауынша, ол шет елде емделіп жатқанда өмірден озған.

Премьер-министр 21 тамызға қараған түні қайтыс болса керек. 57 жастағы саясаткердің қандай аурумен ауыратындығы жөнінде нақ­ты ақпарат жоқ. Дерек көздеріне қарағанда, М.Зенави екі айдан бері халық алдына шық­паған. Ол Брюссельде емделіп жатқан көрі­неді. Эфиопияның конституциясына сәйкес, ен­ді министрлер кабинетін уақытша басқару вице-премьер Хайле Мариам Дезалейнге жүк­теледі.

Сәрсенбі, 22 тамыз 2012 7:32

Елді 20 жылдан астам басқарған Эфиопияның премьер-министрі Мелес Зенави қайтыс болды. «Франс-пресс» ақпарат агенттігінің хабарлауынша, ол шет елде емделіп жатқанда өмірден озған.

Премьер-министр 21 тамызға қараған түні қайтыс болса керек. 57 жастағы саясаткердің қандай аурумен ауыратындығы жөнінде нақ­ты ақпарат жоқ. Дерек көздеріне қарағанда, М.Зенави екі айдан бері халық алдына шық­паған. Ол Брюссельде емделіп жатқан көрі­неді. Эфиопияның конституциясына сәйкес, ен­ді министрлер кабинетін уақытша басқару вице-премьер Хайле Мариам Дезалейнге жүк­теледі.

Біраз қаржысын тұтқындады

АҚШ билігі «Хизбалла» ливандық ислам қозғалысының жылыстату сипатындағы 150 миллион доллар болатын қаржысын тұтқындағанын мәлімдеді. Бұл мәселеде ливандық-канадалық банк негізгі рөл ойнаған сияқты.

2011 жылдың ақпанында америкалық қаржы қылмысымен күрес жөніндегі бюросы аталған банкке өзінің қызметін АҚШ-тың қаржы жүйесінде жүзеге асыруға тыйым салған еді. Ал өткен жылдың желтоқсанында Нью-Йорктың феде­рал­дық соты «Хизбалла» қозғалысын есірткі сатудан және басқа да қыл­мыстардан түскен қаржыны банктер арқылы жылыстатты деп айыптады. Кейбір мәліметтер бойынша, олар 2007-2011 жылдар аралығында осы үлгімен 329 миллион доллар аударған.

Сот шешімін сынға алды

Ресей президенті жанындағы адам құқығы жөніндегі кеңестің басшысы Михаил Федотов «Pussy Riot» тобына қатысты шығарылған шешімді сынады.

«Интерфакс» агенттігіне берген сұх­ба­тын­да ол сот шешімін «қателік» деп мәлімдеді.  Федотов, сондай-ақ бұл қателікті жоғарғы сот инстанциясы түзетеді деген үмітте екенін де айтқан. Сұхбатында ол мұндай әрекет істе­гендерге 1845 және 1885 жылдардың өзінде екі жыл емес, 3 айдан 8 айға дейінгі мерзім белгіленгенін мысалға келтіріпті. Айта ке­тейік, аталған топтың үш әншісі шіркеуде ке­ле­междік сипаттағы ән айт­қаны үшін әрқай­сысы 2 жыл мерзімге сотталған болатын.

Көппартиялы жүйеге көшпек

Кеше Ашгабадта Түркімен өнеркәсіпшілері мен кәсіпкерлері партиясының құрылтай съезі жұмысын бастады. Жергілікті басылымдардың жазуынша, съезд жұмысына 300 делегат қатысуда.

Құрылтайда партияның жарғысы бекітіліп, басшылық құ­ра­мы сайланады. Егер партия тіркеуден өтетін болса, еңдігі, екін­ші саяси партия болмақ. Бүгінде бұл республикада тек бір ғана партия – демократиялық партиясы жұмыс істеп кел­ді. Осылайша, Түркіменстан көппартиялы жүйеге көшуге ниет­теніп отыр. Жаңа­дан құрылатын партияға мемлекет бас­шысының жақын досы Александр Дадаев жетекшілік ететін көрінеді.

Қоғам қарсылығын тудырды

Германия билігі елдің бұрынғы президенттерінің зейнетақысын көтеру жөнінде шешім қабылдады. Ол 2013 жылғы бюджет жоспарына енгізілмек. Бірақ, бұл неміс қоғамының қарсылығын тудырып отыр.

Егер бұрынғы президенттердің зейнетақысы өсірілген жағдайда, оларға қосымша 18 мың еуродан қосылады екен. Сонда бұрынғы мемлекет басшылары жылына 217 мың еуро зейнетақы алатын болады. Либералдық партияның мүшесі, бюджет саясаты жөніндегі сарапшы Юрген Коппелин жем­қорлыққа байланысты айып тағылып, отставкаға кеткен экс-президент К.Вульфқа, қазіргі кезде көзі тірі бұрынғы президенттерге зей­нетақыға қосылатын қосымшадан бас тартуды ұсынды.

Көтерілісшілер кімдер?

Әлемдегі бірқатар елдердегі радикалды исламшылар сириялық көтерілісшілерге көмектесу үшін Алеппоға келген сияқты. Бұл жөнінде австралиялық АВС радиосы хабарлады.

«Гардиан» басылымының тілшісі Мартин Чуловтың айтуынша, Сирияда қақтығыс бас­тал­ған 18 айдан бері жақсы даяр­лықтан өткен қа­рулы содырларды өз көзімен көрген. Олар­дың көпшілігі Сауд Арабиясы, Сенегал, Пәкс­тан, Алжир, сондай-ақ, Өзбекстан мен Чешен­с­таннан келгендер көрінеді. Олардың бар­лығы бірден майдан шебіне жіберілген.

Қысқа қайырып айтқанда:

 *Ингушетия президенті Ю.Евкуров полиция қызметкері И.Кориговты жерлеу кезіндегі жарылысты ұйымдастырған терроршылар жетекшісі Доку Умаров екенін мәлімдеді.

* Солтүстік Кореяның «Экономикалық зерттеулер» журналында социалистік мемлекетте еңбекшілер табысының деңгейі жаппай тұтынатын тауарлар бағасымен сәйкес болуы қажеттігі жөнінде мақала жарияланды. Бұл, еңбекақы көбейтіледі дегенді білдіреді.

* Украинаның Николаев қалалық кеңесі орыс тіліне өңірлік мәртебе берумәселесін қарады. Тіркелген 68 депутаттың 60-сы жақтап дауыс берді.Оның соңы жаппай төбелеске ұласты.

 *БҰҰ Бас хатшысы Пан Ги Мун Иран президенті М.Ахмадинежад пен елдіңжоғарғы көсемі А.Хаменеиді Израильге қарсы пікір білдіргендері үшінсынға алды.

Интернет материалдары негізінде әзірленді.