Медицина • 21 Наурыз, 2019

ШҚО: Алтай ауданында көпбалалы отбасылардың балаларына дастархан жайылды

677 реткөрсетілді

Алтай ауданында Наурыз мейрамы қарсаңында балалар қуанышқа бөленді. Аудан әкімі Нұржан Тоқсейітовтің бастамасымен алғаш рет аз қамтылған және көпбалалы отбасылардың балаларына мерекелік дастархан жайылып, тәтті-дәмділер таратылып, шығармашылық ұжымдар концерт берді. Шара барысында Наурыз тарихы туралы театрландырылған көрініс ұсынылып, халық әндері шырқалып, би биленді.

Мерекелік дастарханға ұлттық киіммен келген балғындар аудан әкімінің орынбасары Жанна Асқарқызының құттықтауын тыңдады. «Наурыз мерекесінің тарихы тым әріде. Бұл мейрамның тәрбиелік мәні өте зор. Мұндай мерекелік шараны бұдан былай ауданымызда дәстүрлі түрде, жыл сайын Наурыз қарсаңында өткізіп отыратын боламыз. Бүгін оқушыларымыз қойылым кейіпкерлерімен бірге ертегілер әлеміне еніп, қазақ халқының салт-дәстүрі мен әдет-ғұрпымен жан-жақты танысып, Наурыз мерекесінің символы – әсем де әдемі гүл – Жауқазын туралы мағлұматтар алды», - дейді Ж.Асқарова.

Шара соңында әр балаға тәтті-дәмділер салынған күлек пен сыйлық тарту етілді.

Азамат ҚАСЫМ,

«Egemen Qazaqstan»

Шығыс Қазақстан облысы,

Алтай ауданы

Баннер
Соңғы жаңалықтар

Петропавлда екі зауыт салынады

Аймақтар • Бүгін, 10:03

Ұқсас жаңалықтар