«Өнер Барысы» турнирі бейсенбі күні елордада өтті. Чемпион белдігіне эстрада, кино, КВН, айтыс жұлдыздары, сондай-ақ блогерлер күш сынасты. Оның ішінде Аян Өтепберген, ағайынды Төлеповтар, Нұрболат Абдуллин, Серік Ибрагимов, Абай Аязбаев т.б бар. Асылхан Төлепов (жеңіл салмақ дәрежесінде) және Сырымбет Байбосынов (ауыр салмақ дәрежесінде) «Өнер Барысы» турнирінің жеңімпаздары атанды. Ұйымдастырушылардың айтуынша, жарыс дәстүрлі түрде өтіп тұрады. Естеріңізге салайық, сайыс қала әкімдігінің қолдауымен өтті.
