Референдум өткізуге қарсы
Бейсенбі, 11 қазан 2012 7:15
Испания парламенті Каталония билігінің елден бөліну туралыреферендум өткізу жөніндегі қаулысына қарсы дауыс берді. Бұл туралы«Рейтер» ақпарат агенттігі хабарлады.
Каталония тұрғындары осындай референдум өткізу жөнінде қыркүйектің соңында мәселе көтерген еді. Бірақ орталық биліктің қарсылығына байланысты дауыс беру жүзеге аспады. Каталония – Испаниядағы өзіндік мәдени және салт-дәстүрі бар ең табысты аймақтың бірі болып табылады.
Бейсенбі, 11 қазан 2012 7:15
Испания парламенті Каталония билігінің елден бөліну туралыреферендум өткізу жөніндегі қаулысына қарсы дауыс берді. Бұл туралы«Рейтер» ақпарат агенттігі хабарлады.
Каталония тұрғындары осындай референдум өткізу жөнінде қыркүйектің соңында мәселе көтерген еді. Бірақ орталық биліктің қарсылығына байланысты дауыс беру жүзеге аспады. Каталония – Испаниядағы өзіндік мәдени және салт-дәстүрі бар ең табысты аймақтың бірі болып табылады. Бұл аймақ соңғы жылдары Мадридтің экономикалық саясатына байланысты ауыр дағдарысқа тап болып отыр. Каталония 1714 жылға дейін тәуелсіз мемлекет болып келген. Испан монархиясына қарсы соғыста жеңіліс тауып, күшпен корольдік құрамына қосылған-ды.
Жапонияға барудан бас тартты
Қытайдың қаржы министрі мен орталық банк басшысы Бүкіләлемдік банкпен Халықаралық валюта қорының жыл сайын өтетін сессиясынабарудан бас тартты. Бұл жолғы сессия 9-14 қазан күндері Жапонияда өтуітиіс болатын.
«Франс-пресс» агенттігінің хабарлауынша, ҚХР тарапы осы елдің орталық банк басшысы Чжоу Сяочуанның Жапонияға бармайтынын және сессияда сөз сөйлемейтінін Халықаралық валюта қорына екі күн бұрын мәлімдеген. Оның орнына Токиоға банк басшысының орынбасары келетін көрінеді. Ал ҚХР қаржы министрі Се Сюйжэні оның орынбасары алмастырмақ. Қытай министрі мен банк басшысының сапардан нендей себептерден бас тартқаны жөнінде ресми ақпарат жоқ. Ресми емес дерек көздері ол Қытай мен Жапония арасындағы Сенкаку аралына қатысты туындаған дауға байланысты дегенді айтады.
Қауіп жақындай түскендей ме?
АҚШ пен Израиль билігі жария түрдегі көзқарас алшақтығынақарамастан, соңғы күндері олардың Иранға қарсы әскери операциямәселелері жөніндегі ұстанымдары айтарлықтай жақындай түскен.Бұл туралы АҚШ-тың белгілі саясаткері Дэвид Роткопф «Foreign Policy»журналында жарияланған мақаласында атап өткен.
Саясаткердің мақалада келтірген деректеріне қарағанда, Вашингтон мен Иерусалим бірлесе отырып, Иранның ядролық нысандарына «хирургиялық» соққы беру мүмкіндігін қарастыруда. Мұндай операция бірнеше сағатқа немесе екі тәулікке созылатын болады. Оған негізінен стратегиялық бомбалаушы ұшақтар, әуе қорғаныс күштері тартылады. Мақалада, сондай-ақ бұл операция президенттікке түскен Барак Обамаға ұпай жинау үшін қажет екендігі де аталған.
Стратегиясын әрі қарай жалғастырады
Тбилисиде парламенттік сайлаудан кейін ел президенті МихаилСаакашвили мен «Грузин арманы» коалициясының лидері БудзинаИванишвилидің алғашқы кездесуі болды. Кездесу қорытындысындатараптар Грузия НАТО-мен және ЕО-мен жақындасуды жалғастыраберетініне уағдаласты.
«Интерфакс» агенттігінің хабарлауынша, «Грузин арманының» стратегиясы елдің бұрынғы үкіметінің стратегиясымен ұқсас келеді. Б.Иванишвилидің мәлім еткеніндей, Грузия НАТО-ға мүшелікке кіреді. Өз кезегінде М.Саакашвили қазіргі уақытта Грузияда билікті оппозицияға демократиялық жолмен беру «тарихи үдерісі» жүріп жатқанын айтқан. «Біз үкіметтің үлкен бөлігін бейбіт жолмен өткізудеміз, – деген ол осы жөнінде. – Грузин халқы өз таңдауын жасады, біз өз халқымыздың таңдауын құрметтейміз».
150 әскери маман жіберді
АҚШ қорғаныс министрлігі құпия түрде Иорданияға жоғары шенді офицер басшылық ететін, 150 әскери мамандардан тұратын топ жіберген. Жергілікті басылымдардың мәліметтері бойынша, америкалық әскерилер Амманның солтүстігіндегі базаға орналастырылған.
Әскери құрамада байланыс офицерлері, логистика және жоспарлау мамандары, әскери нұсқаушылар, сондай-ақ босқындар және көші-қон жөніндегі сарапшылар бар. Бұл топтың қазіргі басты мақсаты – көршілес Сирия елінен келетін барлық босқындарға қажетті көмектер көрсету. Сонымен қатар, Сириядағы соғыс өрті Иордания аумағын да шарпуға мүмкіндігінше жол бермеу. Өйткені, ресми Амман Вашингтонның осы аймақтағы басты одақтастарының бірі болып табылады.
Гитлер туралы сериал түсірмек
Германия Адольф Гитлер туралы сегіз сериялы телефильм түсірмек. Бұл жөнінде Каннда өткен жыл сайынғы МІРСОМ телевизиялық көрмесінде продюсерлер Нико Хофманн мен Ян Мойто мәлімдеген.
Телефильм 1914 жылғы Гитлердің бірінші дүниежүзілік соғыста әскери қызмет атқарған кезінен басталып, оның 1945 жылы өлгенімен аяқталатын көрінеді. Сериалды түсірушілер ұлтшыл баскесердің өмірбаянындағы негізгі сәттерді, оның ішінде Гитлердің радикализациялауға қалай келгенін және Холокост жөнінде көрсетпек. Фильмнің сценарийімен және режиссурасымен неміс Ники Штайн айналыспақ. Ал Гитлердің рөлін кім ойнайтыны қазірге белгісіз.
Интернет материалдары негізінде әзірленді.
