Өтірік болып шықты
Бейсенбі, 27 желтоқсан 2012 7:13
Өткен жұма күні Көліктегі ІІД-нің Астана қаласы әуежайындағы желілік полиция бөлімінің кезекші бөліміне патрульдік пост қызметкері әуежай ғимаратына қолдан жасалған жарылғыш құралы бар кеудеше киген бейтаныс адам келе жатқанын хабарлады. Кезекші жасақ аталған азаматты тоқтатты. Ол Еуропаның бір еліне ұшуды талап етіп, өзін жарамын деп қорқытты. Дабыл бойынша желілік полиция бөлімінің жеке құрамы, Көліктегі Ішкі істер департаментінің,
Бейсенбі, 27 желтоқсан 2012 7:13
Өткен жұма күні Көліктегі ІІД-нің Астана қаласы әуежайындағы желілік полиция бөлімінің кезекші бөліміне патрульдік пост қызметкері әуежай ғимаратына қолдан жасалған жарылғыш құралы бар кеудеше киген бейтаныс адам келе жатқанын хабарлады. Кезекші жасақ аталған азаматты тоқтатты. Ол Еуропаның бір еліне ұшуды талап етіп, өзін жарамын деп қорқытты. Дабыл бойынша желілік полиция бөлімінің жеке құрамы, Көліктегі Ішкі істер департаментінің, Астана қаласының, ҰҚК, прокуратура және төтенше жағдайлар департаментінің қызметкерлері оқиға болған жерге жетті. Әуежайдағы желілік бөлімінің бастығы бейтаныс азаматпен сөйлесіп, жолаушылардың қауіпсіздігін сақтау мақсатында күдіктіні қауіпсіз тұсқа, яғни Пригородный кентінің гараж жағына жеке өзі патрульдік автомашинаға отырғызып алып шығады. Сөйлескеннен кейін белгісіз адам кеудешесін шешіп, желілік полиция бөлімінің ғимаратына қарай жүрді. Астана қаласы ІІД арнайы әрекет ету бөлім саперлерінің тексеруі барысында қолдан жасалған жарылғыш қондырғы жалған екендігі анықталды. Өтірікші уақытша ұстау изоляторына қамалды, деп хабарлады Көліктегі ІІД баспасөз қызметі.
