Әлеуметтік алауыздықты қоздырушы суайт

Жұма, 7 желтоқсан 2012 6:59

Сонау 2005 жылы М.Әбіләзовке «БТА Банк» АҚ директорлар кеңесінің төрағасы кезінде аталған банктен 7 миллион АҚШ долларын ұрлағаны үшін айып тағылды. Содан ол тергеу орындарынан қашып, шет елге жасырынды. Алайда, текке кетпей экстремистік ұйымдасқан қылмыстық топ құрып үлгерді. Оны қаржылай қамтамасыз етіп, қылмыстық рөлдерді өзі таңдаған мүшелеріне бөліп берді. Осы топтың Қазақстандағы басшылығына 2010 жылы В.Козлов тағайындалды. Өз кезегінде ол бұл қылмыстық топқа бірнеше адамды тартты.

Жұма, 7 желтоқсан 2012 6:59

Сонау 2005 жылы М.Әбіләзовке «БТА Банк» АҚ директорлар кеңесінің төрағасы кезінде аталған банктен 7 миллион АҚШ долларын ұрлағаны үшін айып тағылды. Содан ол тергеу орындарынан қашып, шет елге жасырынды. Алайда, текке кетпей экстремистік ұйымдасқан қылмыстық топ құрып үлгерді. Оны қаржылай қамтамасыз етіп, қылмыстық рөлдерді өзі таңдаған мүшелеріне бөліп берді. Осы топтың Қазақстандағы басшылығына 2010 жылы В.Козлов тағайындалды. Өз кезегінде ол бұл қылмыстық топқа бірнеше адамды тартты.

Әрине, В.Козлов аталған қыл­мыстық топтың басшысы болған соң оған атына заты сай міндеттер жүктеледі. Соның ішінде көпшілік алдында әлеуметтік араз­дық пен алауыздықты қоз­ды­ру, өкіметті түрлі жолмен басып алуға, мемлекет қауіпсіздігіне нұқ­сан келтіруге, конституциялық құрылысты күш­теп өзгертуге жария түрде шы­ғу тапсырылады. Со­нымен қа­тар, осы экстремистік қыл­мыстық топты құрған Әбі­лә­зов бол­ған­дықтан, оның тара­пы­нан берілетін тапсырмаларды екі етпей орындау және одан келетін қаржыларды игеру кезінде ұйым­дасқан қыл­мыс­ты топ басшы­ла­ры­ның бірі М.Кетебаевқа есеп беріп отыру кіреді. Тіпті, одан басқа «Алға» пар­тия­сының бас­шы­сы ретінде пар­тия­лық қызметті бүркеніп, «әлсіз буынды» іздеу ба­рысында қала не­гізін құрушы кәсіпорындар ор­наласқан өлке­лер­ге жеке өзі бару, жағдайды талдау, кәсіпорын жұ­мысшылары арасында жаппай на­разылық ту­дыру және оларды басқаруға мүм­кіншілік алу үшін материалдық және заң көмегін беру туралы ұсы­ныстар жасау, сон­дай-ақ, өзі басқаратын «Алға» ха­лықтық пар­тиясы арқылы «Халық майданы» қоғамдық қозғалысы­ның деструктивтік қызметін бас­қару жатты. Осылайша ол бұ­лар­дың Жаңаөзен қаласындағы кең­сесін пайда­ла­нып, А.Амировамен бірге ел билігін жағымсыз сипаттап, заңсыз наразылық акциясына қатысу­шы­ларды билікке қарсы ай­дап са­ла­тын, яғни биліктің жа­ғым­сыз кейпін қалыптастыратын мазмұндағы, экстремистік бағыт­та­ғы Әбілә­зов­пен радикалданды­рыл­ған «К+ те­лекомпаниясы» ЖШҚ және «Стан ТВ» интернет-бейнепорталын, оған қоса «Республика» мен «Взгляд», «Голос Республики», «Прав­да Казахстана» газеттері мен үнпарақтарды және басқа да басылымдарды тарату міндеттелді.

Бұл орайда В.Козловқа қала негізін құрушы кәсіпорындар жұ­мысшылары қатарынан алдауға, арбауға және басқаруға көнетін адамдарды мақсатты түрде іздеу, табу, іріктеу бұйырды. Сөйтіп, бұл адамдардан экстре­мис­тік ұйым­дасқан қылмыстық топ пен дайындалған белсенді аран­дату­шы­ларды қалыптастыру, олар­ға еңбек дауларын саяси мақ­сатқа ауыс­тыруға, ұрыс-керіс ту­ды­ру мен ашық араздыққа, қақты­ғыс­тар­ға, күш көрсетуге, ойран салу мен мүлікті жоюға соқ­ты­ра­тын жағдайларды қалай жасау керектігін үйрету және осы атқа­ры­латын іс-әрекеттердің бәрін қар­жылай қамтамасыз ету тікелей міндетіне кірді.

Сөйтіп, Әбіләзов құрған Қазақ­стандағы ұйымдасқан қылмыстық топтың басшысы атанып, жо­ға­ры­дағы бүлік шығару іс-әрекеттері міндетіне кірген соң бір желпініп алған В. Козлов 2010 жылдың нау­­рызында елдің консти­туция­лық құрылысының әлеуметтік-сая­си негіздеріне нұқсан келтіру мақ­сатында, яғни осы бұзық ойлы іс-әрекеттерін жүзеге асыру үшін Маң­ғыстау облысының Жаңаөзен қаласына келген. Келген соң мұн­дағы қалыптасқан ахуалды біліп алып, наразылық акциясына қаты­сушыларды өзіне тарта бастайды. Алдында айтылған қылмыстық пи­ғылын жүзеге асыру үшін олар­дың алдында сөз сөйлеп, заңгер­лер, экономистер және сара­п­шы­лар көмегімен қамтамасыз етемін деп сендіріп, өзінің де билікке қар­сы екендігін айтып, мұнда­ғы­лардың әлеуметтік-экономикалық қиыншылықтарына қатысты ойын БАҚ-та жариялауға уәде береді.

Осылайша алғашқы арандату­шылық қадамын жасаған В. Козлов енді әлеуметтік араздықты жә­не алауыздықты одан әрі қоздыру мақсатында «ӨзенМұнайГаз» өн­ді­рістік филиалына қарсы әре­ке­тін бастайды. Онда ол осы өн­ді­ріс­тік филиалына қарсы нара­зы­лық акциясына қатысушыларды жұмыс берушіге және мемлекеттік билік органдарына қарсы қоя отырып, көпшіліктің алдында, олар­ды қалған мұнайшылардың да қолдап көтерілуі мүмкіндігін, сон­дықтан бұдан қорқатын билік мұ­найшыларды басып-жаншып тас­тауға әрекет жасап отырғандығын ашық айтады. В.Козловтың мұн­дай әрекеттерінен оның ұйым­дас­қан қылмыстық топты құрған Әбі­ләзовқа бағынышты экстре­мис­тік бағыттағы және ради­кал­дандырылған медиа-жоба­лары­мен тығыз идеялық және қаржы­лық өзара қарым-қатынасының бар екен­дігі расталады. Мұны өзі де негіздей түскендей заңгерлер, эко­номистер, сарапшылар көмегін беру және материалдық қолдау көр­сету туралы ашық түрде уәде етеді.

Осылайша В.Козлов ел заңын аяққа таптап, Жаңаөзен қала­сын­дағы сенімді деген адамдарына тапсырмаларын орын­да­туға көш­кен. Солар арқы­лы тіркелмеген «Алға» халық пар­тиясының және «Халық майданы» қоғамдық қоз­ғалысының Жаңа­өзен қаласын­да­ғы кеңсесінің жұ­мыс­тарын жүр­гі­зеді. Сонымен қа­тар жоғарыда атал­ған, мазмұн­дарында әлеумет­тік араздық пен алауыздықты қоз­дыруға және мем­лекеттің қауіп­сіз­дігіне нұқсан келтіруге, консти­туциялық құры­лыс­ты күштеп құ­латуға шақыру­дың белгілері бар радикал­дан­ды­рылған «Республика», «Взгляд» газеттері мен үн­па­рақ­тарды және басқа да басы­лым­дарды тарату үшін жеткізеді. Бұ­ған қоса алаңда тұрған ереуілшілерге қажетті бұй­ымдарды, зат­тарды, оның ішінде ұйықтайтын қаптар, палаткалар, жауын-ша­шын­нан қорғайтын сырт киімдерді үлестіреді.

Бұдан әрі әбден еркінсіген В.Козлов қылмыстық іс-әре­кет­терін жандандыра түсу мақса­тын­да Қазақстаннан қашып, шетелде тығылып жүрген ұйымдасқан қыл­­мыстық топ басшысы Әбі­ләзовтің қатысуымен және тіркелмеген «Алға» халық партиясы ау­мақтық бөлімшелерінің жетекшілерін қатыстыра отырып, скайп-конференция өткізеді. Міне, осы кезде ол Әбіләзовтен нақты тап­сыр­ма алады. Әбіләзов оған би­ліктің ең осал тұсын тауып, яғни мұнайшыларды, шахтерлерді, несие алушыларды бір жерге топ­тас­тыру қажеттігін айтады. Сөй­тіп, бұлар арқылы үлкен күш пайда болады. Содан кейін, яғни 2011 жылдың соңына таман әлеуметтік араздықты және алауыздықты қоз­дыра беру арқылы мемлекеттік қауіпсіздікке нұқсан келтіріп, өкі­метті қалай да басып алу қажет, дейді.

Мұндай құпия тапсырма алған В.Козлов қанаттанып, өзінің жа­рылқаушысын бұл міндеттерді екі етпей орындау үшін барлық күш-жігерін жұмсауға және күш біріктіріп өкіметті құлатуға дайын екен­діктеріне сендірген. Сөйтіп, ол өзіне жүктелген міндеттерді орын­дауға белсене кіріседі. Жо­ғарыда айтқанымыздай, өзі жетекшілік жасайтын партияның және «Халық майданы» қоғамдық қоз­ға­лысының, сонымен қатар оны­мен радикалдандырылған бұ­қара­лық ақпарат құралдарының мүм­кіндіктерін пайдаланады. Қала негізін құрушы кәсіпорындарда жұ­мыс істейтін қызметкерлер мен басқа да санаттағы жұмыс­шыл­ар­ға үгіттеу шарасын жүргізу үшін үнпарақтар таратқызады. Ол осы ісімен-ақ, яғни елдегі жағдайды тұ­рақсыздандыру мақсатында кон­с­­титуцияға қайшы іс-әре­кет­терді жасайды. Бұған нақты дәлел, сол кездері ол, яғни 2010-2011 жылдары М.Әбіләзовтің сөйлеген сөздерін, үндеулерін және мәлім­демелерін «К+» телеарнасы ар­қы­лы беріп тұрған және аталған газеттерді таратумен айналысқан.

Мәселен, ол 2011 жылы ұйым­дасқан қылмыстық топтың бас­шы­ларына бағынышты аталған «К+» телеарнасы, «Стан ТВ» ин­тер­нет-порталы, «Республика», «Вз­гляд» газеттері арқылы әлеу­меттік алауыздықты қоздыруға және өкіметті күштеп басып алуға, мемлекет қауіпсіздігіне нұқсан кел­тіруге, мемлекеттің консти­ту­ция­лық құрылысын күштеп өзгер­туге бағытталған мазмұндағы көптеген материалдарды таратқан. Тіпті, ол 2011 жылы «Голос Республики» газетіне сұхбат беріп, онда өзінің мұнайшылармен бірге тығыз байланыста екендігін және жоғарыда аталған қылмыстық әре­кеттерінің бәрі өз қолымен жа­салынып жатқандығын растап, жа­рия түрде мәлімдеме жасайды. Ақыры В.Козлов жоғарыда ай­тыл­ғандай, мемлекетке қарсы көп­­теген қылмыстық әрекеттері үшін жауапқа тартылды. Оның айыбы нақты дәлелденді.

Алайда В.Козлов үстіміздегі жыл­ғы Маңғыстау облысының Ақ­­тау қалалық сотында өзіне та­ғылған айыптарды мойында­ғы­сы келмеді. Бірақ, ол өз қолымен жа­са­ған, ұйымдастырған қылмыс­тар­ды мойындамағанмен, оның тарапынан қылмыстық әрекеттер­дің жасалғандығы басты сот тал­қылауында жан-жақты зерттелген айғақтық дәлелдермен, жинақтал­ған іс материалдарымен, куәлер­дің жауаптарымен толық дә­лел­денген. Сондықтан да оның көп­теген қылмыстарын саралай келген сот Қазақстан Рес­пуб­ли­касы Конституциясының қажетті бап­та­рына сүйене отырып В.Коз­ловты бірнеше жылға бас бостан­дығынан айыруға үкім етті.