Сарапшылар не дейді?
Жұма, 30 қараша 2012 7:23
Талдықорған қалалық сотында әскери қызметші Владислав Челахтың ісі бойынша сот талқылауы жалғасуда. 29 қарашада сот сотталушының адвокатына өз қорғауындағы адаммен кездесіп, оның процеске қатысқысы келетіндігін білу жөнінде кезекті мүмкіндік берді. Жарияланған үзілістен соң Серік Сәкенов сотқа В.Челахтың бұрынғысынша сотталғандар камерасынан шығудан бас тартқанын, сот іс бойынша барлық айғақтарды зерттегеннен кейін ғана өзінің мәліметтер беретінін хабарлады.
Жұма, 30 қараша 2012 7:23
Талдықорған қалалық сотында әскери қызметші Владислав Челахтың ісі бойынша сот талқылауы жалғасуда. 29 қарашада сот сотталушының адвокатына өз қорғауындағы адаммен кездесіп, оның процеске қатысқысы келетіндігін білу жөнінде кезекті мүмкіндік берді. Жарияланған үзілістен соң Серік Сәкенов сотқа В.Челахтың бұрынғысынша сотталғандар камерасынан шығудан бас тартқанын, сот іс бойынша барлық айғақтарды зерттегеннен кейін ғана өзінің мәліметтер беретінін хабарлады.
Осыдан кейін сот сарапшылары Наталья Готовко мен Серік Қарсыбаевтан жауап алды. Алғашқы сарапшы тергеу кезінде Челахтың камераластарымен әңгімелесіп, өзі жасаған қылмыстарды егжей-тегжейлі баяндаған бейнежазбаға фоноскопиялық сараптама жасаған. Сотта Н.Готовко жазбадағы дауыстың шынымен сотталушының дауысы екенін растады. Өрт-техникалық сараптама жасаған сарапшы С.Қарсыбаев сотта «Арқанкерген» бекетінде оқ-дәрілер жарылысының болмағанын мәлімдеді.
Сондай-ақ сотта Алакөл АІІБ бастығының орынбасары Рүстем Бекбаев айғақтар келтірді. Ол В.Челахтың ұсталып, оқшаулағышқа қамалғаннан кейін-ақ өз еркімен кінәсін мойындап келгені туралы жазып бергенін түсіндірді. Бұл ретте, куәнің айтуынша, сотталушыға ешқандай психологиялық немесе физикалық қысым жасалмаған.
Тыңдау барысында адвокат С.Сәрсенов өз көңіл-күйінің нашарлағанын хабарлап, істі тыңдауды кейінге қалдыру жөнінде өтініш айтты. Сот өтінішті қанағаттандырып, адвокатты отырысқа келіп, өз денсаулығы туралы хабарлауға міндеттей отырып, істі тыңдауды 14-30-ға дейін кейінге қалдырды. Дегенмен, Сәрсенов сот процесіне сол күйі келген жоқ.
