Өткен аптада 31 наурыз күні Селеті су қоймасындағы судың көбеюі және су өткізу құбырларының әлсіздігінен Шолақсор ауылына кіреберіс жолды су басып қалған-ды.
Қазір мамандар Сілеті су қоймасынан Шолақсор ауылына дейінгі судың қозғалу барысын күнделікті бақылауда.
Ауданда «Көктем-2019» республикалық командалық-штабтық оқу-жаттығулары өткізіліп, барлық техникалардың дайындығы тексеріліпті.
Сілеті өзенінің су деңгейіне тұрақты түрде мониторинг жүргізіледі.
Сонымен бірге, тасқын су деңгейінің көтерілуіне байланысты жағдайды мониторингілеу және төтенше жағдайларға жеделдік үшін 32 қызметкер, 9 бірлік техника, 3 жүзу қайығы бар дайындалды.
Күні-түні кезекшілік ұйымдастырылды. Жол төсемдерін шайып кетуден қорғау бойынша 1000 қап құм қапталды.
Департамент бастығының орынбасары С. Асайыновтың басшылығымен Шолақсор ауылында командалық-штаб жылжымалы көлік орналасып, жұмыс жасауда.
Қазір өзен ағынын, су деңгейін бақылайтын кезекшілік бекеттері жағдайды назарда ұстауда.
Жалпы биыл өңірде су басу қаупі бар 32 ауыл бақылауға алынған. Бұл 1 мың 33 жеке үйде тұратын 3 мың 729 адамның өмірі басты назарда. Мамандар су тасқыны кезінде тұрғындарға сақтық шараларын сақтауды ескертуде.
