Нақтылық анық байқалды
Жұма, 27 қаңтар 2012 8:42
Жаңаөзен оқиғасына байланысты Елбасының тапсырмасына орай мемлекеттік комиссия жұмыс істеп жатқанын білетінбіз. Алайда, осы аса жауапты тергеу ісінің жүру барысынан бейхабар едік. Бас Прокурордың мәлімдемесінен кейін бұған дейін белгісіз, күмәнді болып келген көп жәйттердің ара-жігі ашылғанына көз жеткіздік. Ең бастысы мәлімдемедегі жариялылық, тергеу барысының республикада қабылданған заңдылықтарға сәйкес жүріп жатқанын аңғардық.
Жұма, 27 қаңтар 2012 8:42
Жаңаөзен оқиғасына байланысты Елбасының тапсырмасына орай мемлекеттік комиссия жұмыс істеп жатқанын білетінбіз. Алайда, осы аса жауапты тергеу ісінің жүру барысынан бейхабар едік. Бас Прокурордың мәлімдемесінен кейін бұған дейін белгісіз, күмәнді болып келген көп жәйттердің ара-жігі ашылғанына көз жеткіздік. Ең бастысы мәлімдемедегі жариялылық, тергеу барысының республикада қабылданған заңдылықтарға сәйкес жүріп жатқанын аңғардық.
Аса үлкен ауқымдағы тәртіпсіздіктер кезінде кімнің кінәлі, кімнің кінәсіз екенін айқындау оңай іс емес. Бұл ретте бізді Жаңаөзендегі негізгі мемлекеттік комиссияға балама ретінде қоғамдық комиссиялардың да құрылғаны қуантты. Іс барысында оң ұсыныстар ескеріліп, кінәсінің деңгейіне қарай он бір адамға қатысты қамау шарасы неғұрлым жеңіл шаралармен ауыстырылғаны қазақстандық қоғамның ізгілігі мен әділеттілігін айқындай түседі.
Ел ішінде полиция қызметкерлері ереуілшілерге заңсыз қару қолданғаны жөнінде әрқилы пікірлер орын алып келгені де рас. Бұл мәселенің де ақ-қарасын анықтау қатаң сын безбеніне салынғаны мәлімдемеде деректермен айтылған.
Қандай да бір теріс оқиға болмасын, оның қай-қайсысының да себебі мен салдары болмай қалмайды. Олардың жай-жапсарына терең зерттеулер жасалған кезде ғана тергеу ісі неғұрлым әділ арнаға бет бұрып, тәуір нәтиже көрсете алады. Жаңаөзендегі тәртіпсіздіктер тізбегін бетінен қалқымай, оқиғаның арғы астарына көңіл аударылып отырғаны бәріміздің көңілімізден шығып отыр.
О баста Елбасымыз Жаңаөзендегі жаппай тәртіпсіздіктерді анықтауға қатысты құрылған мемлекеттік комиссия мүшелеріне берген тапсырмасы да осындай екенін баспасөз материалдары арқылы білген едік. Тергеу ісі Мемлекет басшысы берген осы тапсырмаға сәйкес жүріп жатқанын Бас Прокурордың мәлімдемесімен танысу арқылы көз жеткіздік. Қысқасы, заң алдында жұрттың бәрі бірдей, бұл ретте ешкімге артықшылық та берілмейтінін, жеңілдік те көрсетілмейтінін тағы бір түйсініп отырмыз. Елбасының басты талабы да осы еді ғой. Мұның өзі түбегейлі тергеу ісі бұдан кейін де ақиқаттың ақ жолынан айнымайтынына үлкен сенім туғызады.
Роза ИСАТАЕВА, Ж.Молдағалиев атындағы Батыс Қазақстан облыстық ғылыми-әмбебап кітапханасының директоры.
Орал.