Спорт • 04 Сәуір, 2019

Дзюдо: Анталияға баратындар анықталды

554 рет
көрсетілді
1 мин
оқу үшін

5-7 сәуір аралығында Түркияның Анталия қаласында дзюдодан «Гран-при» турнирі өтеді. Айтулы жарыста 78 мемлекеттен келген 533 балуан белдеседі деп күтілуде.

Дзюдо: Анталияға баратындар анықталды

Анадолы еліне Қазақстанның 13 спортшысы аттанады. Әйелдер арасында тек аса жеңіл салмақтағы Отгонцэцэг Галбадрах қана бақ сынаса, ерлер құрамасының бас бапкері Айдын Смағұлов 13 шәкіртін осы додаға қосуды жөн көрген екен. Олар: Елдос Сметов пен Дәурен Сүйкенов (60 кило), Әбілқайыр Мәуленин мен Сұңғат Жұбаткан (66 кило), Аңсарбек Ғайнуллин мен Жанболат Бағытбергенов (73 кило), Руслан Мұсаев пен Дидар Хамза (81 кило), Ерсұлтан Мұзаппаров пен Рега Палкин (90 кило), Әділхан Қозыбаев 100 кило) және Жамбыл Тұрғынәлиев (+100 кило).