Президенттің алғашқы сапары Ресей БАҚ-тарында қалай көрініс тапты

Биылғы 3 сәуірде Қазақстан Президенті Қасым-Жомарт Тоқаевтың Ресейге ресми сапармен барғаны белгілі. Ресей Федерациясының Президенті Владимир Путин­нің ұсынысы, дәлірегі шақыруы негізінде ұйымдастырылған аталған сапар­дың еліміз үшін маңызы зор болды. Өйткені осы ауқымды шара барысында Қазақ­стан-Ресей қарым-қатынасы өзінің дәстүрлі жолын достық пейілмен одан әрі жалғас­тыра беретіні нақты айтылды. Әрине бұл еліміз үшін стратегиялық маңызы зор Ресеймен екіжақты және көпжақты, сондай-ақ халықаралық ұйымдар шеңберіндегі ынтымақтастығымыз уақыт талабына сай дами түсетінін көрсетеді.