Аймақтар • 08 Сәуір, 2019

Оралда «Туған өлке – тұнған тарих» ғылыми-зерттеу жобасы өтті

1214 рет көрсетілді

Орал қаласында Батыс Қазақстан облыстық тілдерді дамыту басқармасының ұйымдастыруымен облыстық «Туған өлке – тұнған тарих» ғылыми-зерттеу жобасы байқауы өткізілді. Байқауға 4 аудан мен Орал қаласынан техникалық және кәсіптік білім беру ұйымдары өкілдері, барлығы 19 үміткер қатысты.

Бұл байқаудың мақсаты – Тұңғыш Президенттің «Ұлы даланың жеті қыры» және «Болашаққа бағдар: рухани жаңғыру» мақалалары аясында өз туған өлкесін, ауылын, қаласын ерекше сүйетін, тарихын білетін Отан патриоттарын тәрбиелеу болатын. Тартысты өткен байқауға жоғары оқу орындарының профессорлық-оқытушылар құрамы, ғылыми-сарапшылық және облыстық балалар-жасөспірімдер туризмі және экология орталығы өкілдері төрелік етті.

Байқау барысында жас зерттеушілер - 1-2 курс студенттері өздерінің антропонимика, топонимика бағытында жүргізген ғылыми-зерттеу жобасын ұсынып, өңірлік ономастиканың анықтамалық әдебиеттерімен жұмыстану мәселесінде біліктілігі мен дағдысын, сөйлеу тәжірибесінде алған білімі мен іскерлік шеберлігін, туған өлке тарихының ақпараттық-талдау материалдары жүйесін құру және жүргізудегі жұмысын, қабілеттері мен шығармашылық әлеуетін көрсете білді.

Облыстық байқау қорытындысында Бас жүлде – Орал ақпараттық технологиялар колледжінің 1 курс студенті Игнатьева Натальяға бұйырды. Ал Ж.Досмұхамедов атындағы жоғары педагогикалық колледжінің 1 курс студенті Залина Алиева 1 орынға лайық деп танылды.

Екі екінші орынды Бәйтерек ауданы Рубежка колледжінің 1 курс студенті Бек Амангелді мен Орал ақпараттық технологиялар колледжінің 1 курс студенті Қадырбек Дүйсекенов өзара бөлісті.

Бәйтерек ауданы Зеленов колледжінің 1 курс студенті Елена Литвякова, Батыс Қазақстан Инженерлік-технологиялық колледжінің 2 курс студенті Гүлнәз Өтемісова және Жалпақтал аграрлық және салалық технологиялар колледжінің   2 курс студенті Құндыз Сансызбаева жүлделі үшінші орынға ие болды.

Шыңғырлау колледжінің 2 курс студенті Амир Бикитеев пен Батыс Қазақстан индустриалды колледжінің 1 курс студенті Арсен Саинов арнайы жүлдеге ие болды. Жоғарыда аталған жеңімпаздардың бәріне диплом мен бағалы сыйлық табыс етілді.


Суретті түсірген Рафхат Халелов


Батыс Қазақстан облысы

Соңғы жаңалықтар

Atmaca зымыраны сынақтан сәтті өтті

Технология • Бүгін, 18:35

Доллар қайтадан қымбаттады

Қаржы • Бүгін, 15:00

Ұқсас жаңалықтар