Қазақстан мұсылмандары діни басқармасы Атырау облысы бойынша өкілдігі облысқа қарасты құдайы ас мәзірін бекітті. Қала имамдарының жиналысында жаназа және жерлеу рәсімдерін бірізділікке түсіру мақсатында үндеу қабылданды.
Үндеуде жерлеу рәсіміне қатысты жайттар көрсетілген. Сондай-ақ садақаны «жарыссөзге» айналдырмау, жаназа намазынан бұрын қаралы митинг өткізбеу, зәулім қабір тұрғызбау секілді мәселелер бар.
– Қаралы үйде қазан қайнамасын деген бабалар сөзі ұмыт бола бастады. Қаралы шаңырақ ас әзірлеуге міндетті емес. Қимас адамын жоғалтып отырған үйге ауыртпалық салмауымыз керек, – дейді Атырау облысының бас имамы Батыржан Мансұров.
Имамдар ұсынған жаназа намазының ас мәзірінде нан, бауырсақ, жеті шелпек, қаймақ, тары, талқан, сары май, өрік, мейіз, құрма және күріштен дайындалатын бір ыстық тағам бар.
АТЫРАУ
