Әр хабарлама ескеріледі
Жұма, 27 сәуір 2012 1:27
Ішкі істер министрлігінің www.mvd.gov.kz ведомстволық веб-порталында «Навигация» айдарында ішкі істер органдары қызметкерлерін кезектен тыс аттестаттаудан өткізу бойынша бөлімі жұмыс істейді. Осы порталдағы бөлімге алда болатын кезектен тыс аттестаттау туралы толық ақпарат, оның ішінде аттестаттауды өткізу ережесін реттейтін барлық нормативтік-құқықтық құжаттар, аттестаттау комиссиясының құрамы және аттестаттауға жататын ІІО басшы құрамының дербес тізімі орналастырылған.
Жұма, 27 сәуір 2012 1:27
Ішкі істер министрлігінің www.mvd.gov.kz ведомстволық веб-порталында «Навигация» айдарында ішкі істер органдары қызметкерлерін кезектен тыс аттестаттаудан өткізу бойынша бөлімі жұмыс істейді. Осы порталдағы бөлімге алда болатын кезектен тыс аттестаттау туралы толық ақпарат, оның ішінде аттестаттауды өткізу ережесін реттейтін барлық нормативтік-құқықтық құжаттар, аттестаттау комиссиясының құрамы және аттестаттауға жататын ІІО басшы құрамының дербес тізімі орналастырылған.
Көрсетілген айдарда аттестаттаудан өту барысының хронологиясы бойынша ақпарат ұдайы жаңартылып отырады және қажет болған кезде көрнекі фото және бейнематериалдар да ұсынылады. Бұдан басқа, порталдың «Интерактивті қызмет көрсетулер» бөлімінде арнайы «Сұрақ-жауап» бөлімі ашылды, онда пайдаланушылар Жоғары аттестаттау комиссиясынан аттестаттаудан өтетін құқық қорғау қызметкерлерінің заңсыз іс-әрекеттері туралы хабарламалар мен шағымдарын қалдыра алады. Аталған қызметті пайдалану үшін «Навигация» айдарындағы «ІІО қызметкерлерінің кезектен тыс аттестаттауы» атты бөліміне кіру немесе порталдың негізгі бетіндегі оң жақтағы бұрышында орналасқан арнайы баннерді басу керек. «ІІО қызметкерлерінің кезектен тыс аттестаттауы» бөлімінің бетінде қалың шрифтпен жазылған «осында» деген сілтеме бағыт көрсетеді. Ол арқылы «Интерактивті қызмет көрсетулер» бөліміндегі «Сұрақ-жауап» айдарына енуге болады.
Қолдану келісімімен танысқаннан кейін хабарламаны тіркеу нысанын толтырып, ішкі істер органдарының қызметтері тізімінде «ІІО қызметкерлерінің кезектен тыс аттестаттауы» желісін таңдау қажет. Сөйтіп, барлық тармақтарды, оның ішінде хабарлама мәтінін толтырғаннан кейін, «жіберу» панеліне басу керек. Әрбір хабарлама тексеріліп, аттестаттау комиссиясының жұмысында ескерілетін болады.
Нұрділда ОРАЗ, ІІМ баспасөз хатшысы.
