Оның бұл мәлімдемесі дәл өз уақытында жасалған орынды шешім болды. Себебі транзиттік биліктің бір жарым жылға созылуы мүмкін емес. Оның салдары қиын жағдайларға әкеледі. Сондықтан кезектен тыс сайлау өткізу туралы шешім өте маңызды.
Қазіргі еліміздегі жағдайды сырттан бақылап отырған көршілес елдер көп. Қазақстанда бұдан әрі қандай саясат орын алар екен, әлеуметтік-экономикалық тұрақтылық сақтала ма деген сынды ойлар оларды бей-жай қалдырмайды. Осындай сәтте нақты заңнама жүзінде ашық түрде Президент сайлауын кезектен тыс өткізу өте қажетті іс. Президент көптеген елдермен екіжақты шарттар мен келіссөздер жүргізеді. Сол секілді ішкі мəселелерде де тікелей Президенттің шешімін күтетін маңызды мəселелер көп. Осының бəрін шешуде уақытша тұлғаға деген сенім берік болмайды. Сондықтан ол халық мандатын толық алуы керек. Ол үшін, əрине, жалпыхалықтық сайлауда көпшілік дауыспен жеңіп шыққаны дұрыс. Сайлауда жеңген Президенттің өкілдігі толыққанды болады. Президент Қасым-Жомарт Тоқаев атап өткендей, сайлау таза, ашық əрі əділ өтеді. Нəтижесінде Президент халықтың сенімді мандатына ие болады.
Гүлмира ИСИМБАЕВА,
Парламент Мәжілісі Төрағасының орынбасары
