Бейбіт күннің батырлары жарасты сабақтастық
Сәрсенбі, 16 мамыр 2012 8:20
Сұрапыл жылдарды көзімен көрген қариялар да, соғыс жылдарын бастан кешкен ардагерлер де азайып барады. Сапта тұрған тарихтың тірі куәгерлері бүгінгі ұрпақтың санасына шуақ, жанына қуат беретін тірі тарих іспеттес. Солардың бірі – Жанғазиевтер отбасы.
Сәрсенбі, 16 мамыр 2012 8:20
Сұрапыл жылдарды көзімен көрген қариялар да, соғыс жылдарын бастан кешкен ардагерлер де азайып барады. Сапта тұрған тарихтың тірі куәгерлері бүгінгі ұрпақтың санасына шуақ, жанына қуат беретін тірі тарих іспеттес. Солардың бірі – Жанғазиевтер отбасы.
Отбасылық әулет Ұлы Отан соғысының ардагері Жақсығали Жанғазиевтен бастау алады. Жақсығали ақсақал 1917 жылдың 15 қыркүйегінде Батыс Қазақстан облысы Қаратөбе ауданы Қалдығайты совхозының Төленкөл деген фермасында көпбалалы шаруа отбасында дүниеге келген. Ол дүниеге келген ауыл көп ұлтты болатын. Білімге құштар жас өрен 1937 жылы Орал педагогикалық институтының екі курсын бітірді. Кейін, 1942-1944 жылдары Батыс майданының кіші лейтенанттар курсының тыңдаушысы болды. Қызыл армия қатарына 1944 жылдың мамыр айында шақырылып, әскери қызметін 3-ші Белоруссия майданының 39-шы армиясы, 164-ші атқыштар дивизиясында миномет ротасының командирлігінен бастайды. 1945 жылы қазанда аталмыш майданның 1333 атқыштар дивизиясына ауыстырылып, Прибалтика майданындағы қанды қақтығыс кезінде екі рет жарақат алады. Сол ұрыста бастан алған ауыр жарақатына байланысты 1945 жылы сәуір айында отставкадагы лейтенант шенінде қызметтен босатылды.
Тайпақ, Қаратөбе аудандық партия комитеттерінде еңбек жолы басталған Ж. Жанғазиев жиырма бес жыл бойы аудандық білім бөлімнің меңгерушісі қызметін атқарды. 1959 жылдан бастап зейнетке шыққанға дейін Қаратөбе ауданында совхоз директорының орынбасары қызметінде болды. Қанға сіңген әскери тәртіп және ұйымдастырушылық қабілетімен Жақсығали Жанғазиев зор құрметке, мол сенімге ие болды. Ол үнемі қиын аймақтарда іссапармен жүрді. Бірде шаруашылыққа қатты тиген қыста пішенді қыстауға жеткізу үшін жұмысшылар арасында болып, өнімнің токқа, элеваторға жеткізілуін қадағалап, темірдей тәртіп орнатты.
Жақсығали аға ерлігі және қайсарлығы үшін «Қызыл жұлдыз», 2-ші дәрежелі «Ұлы Отан соғысы» ордендері, «Ерлігі үшін», «Жауынгерлік жетістіктері үшін», «Германияны жеңгені үшін» медальдарымен марапатталды. Абыройлы ардагер 1977 жылы науқасы жеңіп, өмірден өтті.
Жанғазиевтер отбасындағы төрт ұлдың үлкені запастағы майор Мұхтар Жанғазиев – ішк істер органдарының ардагері. Оның еңбек жолы Шыңғырлау, Теректі аудандарында инспекторлықтан басталды. Аға инспектор, кейін мемлекеттік автокөлік инспекциясының бастығы болды. Қызметтің ауыр жүгін бөліскен Мұхтар Жақсығалиұлының зайыбы Мәрия апай да үнемі ат үстінде жүретін қосағының бабын таба білді.
Жанғазиевтер әулеті офицерлер ортасына да таныс. Ұлдары Арман, Нұрлан және Болат атасы мен әкесінің жолын қуды. Бүгінде Арман Алматы қаласында кеден қызметінің подполковнигі. Ортаншысы Нұрлан Қазақстан Республикасы ҰҚК-ның аға офицері, ал кішісі Болат Жанғазиев Ішкі әскер комитетінде пәтер пайдалану қызметінің бөлім бастығы, полковник. Ең үлкен немересі, соғыс ардагері Жанғазиевтің шөбересі – Санат Жанғазиев генерал Сағадат Нұрмағамбетов атындағы «Жас Ұлан» республикалық мектебінің курсанты. Осылайша Жаңғазиевтер әулеті үзілмейтін ұрпақ сабақтастығын жалғап келеді.
Ерболат СҰЛТАНОВ, майор.
Орал.
Жемқорлықпен күрес назарда
Астана қаласы Алматы аудандық ішкі істер басқармасы қызметін жүйелі жүргізіп келеді. Сондай-ақ, ол міндет Ішкі істер департаментінің «2011-2013 жылдарғы ішкі істер органдарындағы сыбайлас жемқорлықпен күрес бағдарламасы» негізінде жүзеге асырылуда.
Ішкі істер басқармасының кадр аппараты қызметкерлері, жеке құрамның қызметтік тәртібі мен жемқорлыққа қарсы заңдылықты сақтауға бағытталған жұмыстарын қадағалауды күшейтті. Мұнымен қоса қызметкерлердің уақтылы жұмыстарында болуы, өз уақытында және заңды түрде жеке құрамға байланысты шешім қабылдау, әскери киімді кию ережелерін сақтау жіті бақылануда. Заңдылықтарды бұзуға жол бермеу үшін қоғамдағы тәртіпті кәсіби қызметкерлеріміз назарда ұстауда.
Қызметтік тәртіп пен заңдылықтарды бұзудағы әрбір факт офицерлік және полицейлік жиналыстарда өз ретімен қаралып, тиісті шешімдер қабылданады. Мәселен, осы бағытта 29 тәртіпсіздікті қараған 6 офицерлік және 2 полицейлік жиналыс өтті.
АІІБ басшылығымен тұрақты түрде алға қойған мақсатты жеңілдету және жемқорлықпен күрестің жаңа әдістерін талдау мақсатында ішкі істер органдарында жемқорлыққа қарсы әрекеттер туралы бейне-роликті ұжымдық көру ұйымдастырылып, көрсетілім қорытындысы басқарманың жеке құрамымен талқыланды. Осы шараға, сонымен қатар, қоғамдық ұйымдардың, мемлекеттік органдардың және БАҚ өкілдері қатысады. Қазіргі таңда тоқсан сайын Ар-намыс кодексі талаптарын сақтау туралы міндеттеме және жемқорлыққа қатысты заң қабылдаудан басқа басқарманың әр қызметкері мен ІІД жұмысына үміткерлер сыбайлас жемқорлыққа қарсы заңмен таныстырылады. Сонымен қатар, кадрлық аппараттағы қызметкерлер үшін жасырын қылмыстың жауапкершілігі туралы ескертіледі. Осыған орай аталған заңдардан үзінділер қамтылған «Полиция анықтамалығы» атты әдістемелік құрал дайындалды.
ІІД мен АІІБ басшылығының бастамасымен полиция бөлімшелерінде, Алматы аудандық ХҚО-да заң бұзу жайындағы деректерді хабарлау туралы құлақтандырулар ілінді.
Жас қызметкерлердің жұмысына да айрықша көңіл бөлінуде. Алматы аудандық ішкі істер басқармасында ІІМ-нің ведомстволық оқу орындарын бітірген 24 жас маман қызмет етеді. Олардың біліктілігін арттыру және кәсібилікті қалыптастыру мақсатында дәріс, семинар сынды түрлі іс-шаралар өткізіледі. Бұл ретте патриоттық және адамгершілік тәрбиені қалыптастыруда АІІБ-нің ардагерлер кеңесінің үлкен көмегі тиіп жатқанын да айтқан абзал. Байжанов, Улюшев, Карманов, Колисниченко, Каршимбеков сынды ішкі істер саласының ардагерлері жас толқынның кәсіби біліктілікті тез қалыптастыруы үшін тәжірибелерімен бөлісуде.
Әмір ЖАЛМҰХАНБЕТОВ,
Алматы аудандық ішкі істер басқармасының бастығы.
Астана.
Жемқорлықпен күрес назарда
Астана қаласы Алматы аудандық ішкі істер басқармасы қызметін жүйелі жүргізіп келеді. Сондай-ақ, ол міндет Ішкі істер департаментінің «2011-2013 жылдарғы ішкі істер органдарындағы сыбайлас жемқорлықпен күрес бағдарламасы» негізінде жүзеге асырылуда.
Ішкі істер басқармасының кадр аппараты қызметкерлері, жеке құрамның қызметтік тәртібі мен жемқорлыққа қарсы заңдылықты сақтауға бағытталған жұмыстарын қадағалауды күшейтті. Мұнымен қоса қызметкерлердің уақтылы жұмыстарында болуы, өз уақытында және заңды түрде жеке құрамға байланысты шешім қабылдау, әскери киімді кию ережелерін сақтау жіті бақылануда. Заңдылықтарды бұзуға жол бермеу үшін қоғамдағы тәртіпті кәсіби қызметкерлеріміз назарда ұстауда.
Қызметтік тәртіп пен заңдылықтарды бұзудағы әрбір факт офицерлік және полицейлік жиналыстарда өз ретімен қаралып, тиісті шешімдер қабылданады. Мәселен, осы бағытта 29 тәртіпсіздікті қараған 6 офицерлік және 2 полицейлік жиналыс өтті.
АІІБ басшылығымен тұрақты түрде алға қойған мақсатты жеңілдету және жемқорлықпен күрестің жаңа әдістерін талдау мақсатында ішкі істер органдарында жемқорлыққа қарсы әрекеттер туралы бейне-роликті ұжымдық көру ұйымдастырылып, көрсетілім қорытындысы басқарманың жеке құрамымен талқыланды. Осы шараға, сонымен қатар, қоғамдық ұйымдардың, мемлекеттік органдардың және БАҚ өкілдері қатысады. Қазіргі таңда тоқсан сайын Ар-намыс кодексі талаптарын сақтау туралы міндеттеме және жемқорлыққа қатысты заң қабылдаудан басқа басқарманың әр қызметкері мен ІІД жұмысына үміткерлер сыбайлас жемқорлыққа қарсы заңмен таныстырылады. Сонымен қатар, кадрлық аппараттағы қызметкерлер үшін жасырын қылмыстың жауапкершілігі туралы ескертіледі. Осыған орай аталған заңдардан үзінділер қамтылған «Полиция анықтамалығы» атты әдістемелік құрал дайындалды.
ІІД мен АІІБ басшылығының бастамасымен полиция бөлімшелерінде, Алматы аудандық ХҚО-да заң бұзу жайындағы деректерді хабарлау туралы құлақтандырулар ілінді.
Жас қызметкерлердің жұмысына да айрықша көңіл бөлінуде. Алматы аудандық ішкі істер басқармасында ІІМ-нің ведомстволық оқу орындарын бітірген 24 жас маман қызмет етеді. Олардың біліктілігін арттыру және кәсібилікті қалыптастыру мақсатында дәріс, семинар сынды түрлі іс-шаралар өткізіледі. Бұл ретте патриоттық және адамгершілік тәрбиені қалыптастыруда АІІБ-нің ардагерлер кеңесінің үлкен көмегі тиіп жатқанын да айтқан абзал. Байжанов, Улюшев, Карманов, Колисниченко, Каршимбеков сынды ішкі істер саласының ардагерлері жас толқынның кәсіби біліктілікті тез қалыптастыруы үшін тәжірибелерімен бөлісуде.
Әмір ЖАЛМҰХАНБЕТОВ,
Алматы аудандық ішкі істер басқармасының бастығы.
Астана.
Полицей қазасы
Біреу үшін бүгін, бәлкім, сәтті күн,
Енді біреу тойлап жатыр шаттығын.
Ал елінің тыныштығын қорғаған
Бір полицей оққа ұшты сәт бұрын.
Балалықта жетелеген сан арман,
Перзент еді игілікке жаралған.
Орын алды орны толмас бір қаза,
Бір тамшы жас тамып түсті жанардан.
Ерекше ол сүюші еді халқын да,
Қайран ғұмыр бағаланбас алтынға.
Ата-анасын, жас жұбайын, сәбиін
Кете барды қалдырды да артында.
Мырзабек БЕРДИЕВ, полиция капитаны.
Алғыс арқалады
Бұдан бұрын Семей қалалық ІІБ бастығы атына «Жансая» базары әкімшілігінің атынан полиция батальоны қызметкерлері Ринат Әмірғалинов пен Қайрат Алпысбаевтарға алғыс хат келген еді. Онда: «Полиция қызметкерлерінің қырағылықтары мен жоғары кәсіби шеберліктерінің арқасында базар аумағында көше қылмыстары мен құқық бұзушылықтардың саны қысқарып, аудан тұрғындары өздерін көшеде тыныш сезіне бастады», деп жазылыпты.
Қалалық ІІБ патрульді полиция батальонының сержанттары Қайрат Алпысбаев және Ринат Әмірғалинов ішкі істер органдарына 2008 жылы келген. Қайрат полицияға Алматы қаласының, ал Ринат Өскемен қаласының ішкі әскеріндегі қызметтерінен кейін келген. ППБ басшылығы криминогенді ахуалды жақсарту үшін, оларды «Жансая» базары мен оған жанасып жатқан аумақтарда тыныштықты сақтауға жібереді. Бір ай ішінде Ринат пен Қайрат азаматтардың жеке мүлкін ұрлаудың 4 дерегін ашты.
Бірде қалтыраған кәрі әжейдің 10 000 теңге ақшасы бар әмияні мен құжаттары салынған қолдорбасы ұрланады. Бір жігіт қарт адамның қолынан пакетті жұлып алып, белгісіз бағытқа ізін суытқан. Алайда полицейлер уақыттың қылмыскер үшін жұмыс істейтінін түсіне отырып жағдайды тез бағамдап, аумақта тексеру жұмыстарын жүргізуге кіріседі. Өйткені, мұндай сәтте кешігудің әр минуты қылмыскерді іздеуді қиындатады. Біраз уақыттан кейін олар кеудесіне бір қолдорбаны қысып алып, босаң жүріспен базардан шығуға бет алған жігітті байқайды. Оны ұстап алып, қарау кезінде әлгі пакеттің қарт әжейдікі екендігін анықтайды. Бұл кезде қос полицейге қарт әжейдің жасаураған көзімен алғыс айтқанынан артық марапат жоқ еді.
Дәулет САДЫҚОВ,
Қалалық ІІБ-нің қызметкері.
Семей.
Қырағы тәртіп сақшылары арамызда жүр
…Тамылжыған көктем айының бір күні еді. Кешкісін Алмалы ауылдық полиция бөлімшесінің бастығы, полиция майоры Азамат Мұратұлы мен учаскелік полиция инспекторы капитан Исатай Аманғалиев «Атырау – Орал» тас жолынан шамамен 2-3 шақырымдай қашықтықта Жайық өзеніне баратын жол бойында қараңдаған бірнеше адамды байқайды. Түн қараңғысында топтасып тұрғандар көңілге күдік келтіріп, оларды тексермек болып полиция қызметкерлері жандарына жақындайды. Айдалада тұрған төрт жігіттің жандарына келген полицейлер олардың «Опель-Вектра» автокөлігін де көздері шалады. Содан бейтаныс жандардың құжаттарын тексеру барысында олардың бірі құжатын көрсетуден бас тартып, аты-жөнін айтпайды. Бастарына төнген қауіп пен қатерге қарамастан, екеуі күдіктілерді тексеріп, дереу аудандық бөлімге хабарлайды. Бұл туралы облыстық ІІД де хабарланады. Ізі суымай күдіктілердің төртеуі де облыс орталығында құрықталады. Олардан 2 дана қолдан жасалған жарылғыш зат, Ф-1 гранатасы, экстремистік сипаттағы ақпараттар табылып, тәркіленіп алынады.
Ішкі істер министрінің бұйрығымен Махамбет аудандық ІІБ Алмалы ауылдық полиция бөлімшесінің бастығы полиция майоры Азамат Мұратұлы мен учаскелік полиция инспекторы капитан Исатай Аманғалиев қоғамдық тәртіпті қамтамасыз етіп, қызмет атқару кездерінде қылмыстық топты анықтап, құрықтауда көрсеткен батылдығы үшін марапатқа ие болды.
Гүлнәзира МҰХТАРОВА,
полиция полковнигі.
Атырау облысы.