Сапар аясында екі ел прези­­дент­тері Қ.Тоқаев пен Ш.Мир­зиёев­тің шағын және кеңейтілген құрамда келіссөздер өткізуі, сон­дай-ақ Өзбекстандағы Қазақстан жылының ашылу салтанатына қатысуы жоспарланған.

Қазақстан Орталық Азиядағы бауырлас мемлекеттердің өзара байланыстарының тек ізгі­лік жолымен өрістеуіне күш салып, оны өзінің сыртқы саясат­тағы басымдықтарының бірі ретінде қарастырып келеді. Қазақ­станның Тұңғыш Прези­денті – Елбасы Нұрсұлтан Назар­баевтың осы бағыттағы бар­лық қадамдары мен баста­малары Орталық Азия ел­дері­нің саяси-экономикалық байла­ныстарының дамуына, тараптар арасында өзара келісімнің салтанат құруына, кейбір кездес­кен түйткілдердің дер кезінде оңтайлы шешілуіне зор ықпалын тигізді. Міне, өзінің жоғары нә­ти­жесін көрсеткен осындай игі­лікті істерге ұйытқы болуды Қазақстан алдағы уақытта да жал­ғастыра түспек. Осы орай­­да еліміздің Президенті Қа­сым-Жомарт Тоқаевтың бұ­ған дейін Елбасы Нұрсұлтан Назарбаев қалыптастырған атал­ған дәстүрлі жолды әрі қарай жалғай беретінін ә дегеннен нақ­ты іспен көрсетіп келе жатқанын айрықша атап өтуге болады.

Орталық Азия аймағындағы қауіпсіздікті сақтауда, сауда-экономикалық байланысты өріс­­тетуде, мәдени-гумани­тар­лық ынтымақтастық пен басқа да салалар бойынша әріптес­тік­­тің тынысын ашуда Қазақ­стан мен Өзбекстан негізгі рөл атқа­ратыны талассыз. Бұл өз кезегінде Қ.Тоқаевтың Мем­лекет басшысы ретінде сырт елдерге екінші сапарын Өзбек­станға арнауының шын мәнінде аса маңызды екенін аңғартады.

Қазақстан мен Өзбекстанды тек қазіргі ортақ мүдделер ғана байланыстырып отырған жоқ. Екі елдің ынтымақтастығының негізі бауырластықта, ортақ тарихта, мәдени-рухани тұр­ғыдағы жақындықта жатыр.

Өзара ынтымақтастықтың халықаралық-құқықтық негізі – 1998 жылғы 31 қазандағы Қа­зақстан Республикасы мен Өзбекстан Республикасы ара­сын­дағы Мәңгілік достық туралы шарт және 2013 жылғы 14 мау­сымда бекітілген Стра­тегия­лық әріптестік туралы келісім.

Былтыр Өзбекстанның Қа­зақ­стандағы жылы өте табысты өтті. Енді Қазақстанның Өзбекстандағы жылы ашылмақ. Бұл айтулы шаралар екі елдің сая­си ерік-жігерінің жоғары еке­нін көрсетеді. Сондай-ақ мә­дени-рухани шаралар кең ау­қымды екіжақты ынты­мақ­­­тастықты туыстық, тату көр­­­­ші­лік, өзара сыйластық үрдіс­­тер ерекшелеп тұрғанын айғақ­тай­ды.

Айта кетейік, Қазақстанның Өзбекстандағы жылының аясында сыртқы саясат, сауда, мә­­де­ниет, туризм, спорт және кө­лік салалары бойынша бір­қа­тар іс-шаралар жоспарланып отыр. Әрине, еліміздің Өз­­бек­­стандағы жылы барысында мәдени-гуманитарлық ба­ғыт­тағы бағдарламаларға маңыз беріледі.